மூத்தோர்தடகள போட்டி: கிணத்துக்கடவு போலீஸ் ஏட்டு 3 தங்கம் வென்றார்

ஏட்டு கோவிந்தராஜ்

கோவை மாவட்டம் பொள்ளாச்சி அருகே உள்ள நல்லூர் சபரி காடன்பகுதியை சேர்ந்தவர் கோவிந்தராஜ் (வயது41). இவர் கிணத்துக்கடவு போலீஸ்நிலையத்தில் ஏட்டாக பணிபுரிந்து வருகிறார். இவர் சமீபத்தில் தமிழ்நாடு தடகள சங்கம்சார்பில்மணிப்பூர் மாநிலம் இம்பாலில் நடந்த 41-வது தேசிய அளவிளான மூத்தோர் தடகளபோட்டியில் பங்கு பெற்றார்.

தங்கம் வென்றார்

40-வயதுக்கு மேற்பட்ட பிரிவினருக்கான ஓட்டப்பந்தய போட்டியில் தேசிய அளவிளான மூத்தோர் பிரிவுக்கான தடகளபோட்டியில் கலந்து கொண்ட ஏட்டு கோவிந்தராஜ் 100மீட்டர், 200மீட்டர், 4×400மீட்டர்ஆகிய 3 போட்டிகளில் வெற்றிபெற்று 3 தங்கப்பதக்கங்களையும், 4×100 மீட்டர் ஓட்டப்பந்தயத்தில் ஒரு வெள்ளி பதக்கமும் வென்று சாதனை படைத்தார்.

பாராட்டு

தடகளபோட்டிகளில் 3 தங்க பதக்கங்களையும் ,ஒரு வெள்ளிபதக்கத்தையும் கைப்பற்றிய ஏட்டுகோவிந்தராஜை மேற்கு மண்டல ஐ.ஜி.பெரியய்யா,கோவைமாவட்ட போலீஸ் சூப்பிரண்டு சுஜித்குமார், கூடுதல் போலீஸ்துணைசூப்பிரண்டுஅனிதா ,பேரூர்போலீஸ்துணை சூப்பிரண்டுவேல்முருகன், கிணத்துக்கடவு போலீஸ் இன்ஸ்பெக்டர் முரளி, சப்-இன்ஸ்பெக்டர் ஜவகர்குமார் மற்றும் போலீசார் பாராட்டினார்கள். இந்தபோட்டிகளில் வெற்றிபெற்றதன் மூலம்அடுத்து கனடாவில் நடைபெறவுள்ள சர்வதேச அளவிளான தடகளபோட்டியில் கலந்துகொள்ள ஏட்டு கோவிந்தராஜ் தகுதி பெற்றுள்ளார் என்பது குறிப்பிடதக்கது.