வெளிநாட்டுக்கு ரூ.2 கோடி அமெரிக்க டாலர் கடத்த முயற்சி; கூரியர் நிறுவன இயக்குனர்கள் 3 பேர் கைது
செருப்புகளில் மறைத்துவைத்து வெளிநாட்டுக்கு ரூ.2 கோடி அமெரிக்க டாலர் கடத்த முயன்ற சம்பவத்தில் கூரியர் நிறுவன இயக்குனர்கள் 3 பேர் கைது செய்யப்பட்டனர்.
மும்பை,
கூரியர் பார்சல்கள் மூலம் மும்பையில் இருந்து வெளிநாடுகளுக்கு வௌிநாட்டு பணம் அதிகளவில் கடத்தப்படுவதாக சிறப்பு விசாரணை மற்றும் புலனாய்வு பிரிவினருக்கு (எஸ்.ஐ.ஐ.பி.) ரகசிய தகவல் கிடைத்தது.
இதையடுத்து அதிகாரிகள் சம்பவத்தன்று மும்பை சுங்க மண்டலம் 3-ல் உள்ள கூரியர் டெர்மினலில் இருந்து வெளிநாட்டுக்கு அனுப்பப்பட இருந்த பார்சல்களில் அதிரடி சோதனை நடத்தினர்.
இந்த சோதனையில் அங்கிருந்த பார்சல்களில் செருப்புகளில் மறைத்து வைத்து ஐக்கிய அரபு அமீரகத்துக்கு ரூ.2 கோடியே 7 லட்சம் அமெரிக்க டாலர் கடத்தப்பட இருந்தது கண்டுபிடிக்கப்பட்டது.
இது தொடர்பாக வழக்குப்பதிவு செய்த அதிகாரிகள் இரு கூரியர் நிறுவன இயக்குனர்களான முரளிதரன் கோபால் நாயர், மனிஷ் நாயர், ராஜீவ் நாயர் ஆகிய 3 பேரை கைது செய்தனர். மேலும் அவர்களிடம் தீவிர விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2023, © The Thanthi Trust Powered by Hocalwire
