<
11-வது மாடியில் இருந்து கீழே தள்ளி வாலிபர் கொலை கல்லூரி மாணவர்கள் 3 பேர் கைது
11-வது மாடியில் இருந்து வாலிபரை கீழே தள்ளி கொலை செய்த என்ஜினீயரிங் கல்லூரி மாணவர்கள் 3 பேரை போலீசார் கைது செய்தனர்.
புனே,
புனே கோந்துவா பகுதியை சேர்ந்தவர் சாகர் (வயது24). இவர் என்ஜினீயரிங் கல்லூரியில் படிக்கும் மாணவர்களான அபினவ், அக்சய், தேஜஸ் ஆகியோருடன் அங்குள்ள அடுக்குமாடி குடியிருப்பில் உள்ள அறையில் தங்கி இருந்தார்.
இந்தநிலையில் சாகர் அவர்களிடம் வட்டிக்கு ரூ.15 ஆயிரம் கடன் வாங்கி இருந்தார். ஆனால் அவர்கள் சொன்ன தேதியில் சாகர் கடன் வாங்கிய பணத்தை திருப்பி கொடுக்கவில்லை. இதனால் 3 பேர் தங்களின் பணத்தை திருப்பி தரும்படி வலியுறுத்தி வந்தனர்.
3 மாணவர்கள் கைது
நேற்று தனது அறைக்கு வந்த சாகரிடம் பணம் கேட்டு என்ஜினீயரிங் கல்லூரி மாணவர்கள் 3 பேர் வாக்குவாதத்தில் ஈடுபட்டனர். இதில் ஆத்திரமடைந்த அவர்கள் சாகரை பிடித்து 11-வது மாடியில் இருந்து கீழே தள்ளி விட்டனர். இதனால் கீழே விழுந்த சாகர் மண்டை உடைந்து ரத்த வெள்ளத்தில் சம்பவ இடத்திலேயே பலியானார்.
இதுபற்றி தகவல் அறிந்த போலீசார் அங்கு சென்று சாகரின் உடலை மீட்டு பிரேத பரிசோதனைக்கு அனுப்பி வைத்தனர். இந்த சம்பவம் குறித்து போலீசார் வழக்கு பதிவு செய்து 3 பேரை கைது செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
