மாவட்ட செய்திகள்

திருச்சியில் கார்-மோட்டார் சைக்கிள் மோதிய விபத்தில் மேலும் ஒருவர் சாவு + "||" + One killed in car-motorcycle accident in Trichy

திருச்சியில் கார்-மோட்டார் சைக்கிள் மோதிய விபத்தில் மேலும் ஒருவர் சாவு

திருச்சியில் கார்-மோட்டார் சைக்கிள் மோதிய விபத்தில் மேலும் ஒருவர் சாவு
திருச்சியில் கார்-மோட்டார் சைக்கிள் மோதிய விபத்தில் மேலும் ஒருவர் இறந்தார். பிறந்தநாள் கொண்டாடிவிட்டு திரும்பியபோது இந்த பரிதாப சம்பவம் நிகழ்ந்தது.
திருச்சி,

திருச்சி ஏர்போர்ட் அருகே உள்ள குலவைப்பட்டியை சேர்ந்தவர் ரமேஷ். இவரது மகன் கிஷோர்(வயது 18). இவர், தனியார் கல்லூரி ஒன்றில் பி.எஸ்சி முதலாமாண்டு படித்து வந்தார். இவரது நண்பர், திருச்சி கே.கே.நகர் அருகே உள்ள உடையான்பட்டி வசந்தம்நகரை சேர்ந்த விக்னேஷ்வர்(18). இவர் பி.பார்ம் பட்டயப்படிப்பு படித்து வந்தார். இருவரும் விளையாட்டு வீரர்கள்.


இவர்கள் இருவரும் நேற்று முன்தினம் திருச்சி மாநகருக்கு ஒரே மோட்டார் சைக்கிளில் வந்தனர். பின்னர், இரவில் வீடு திரும்பினர். மோட்டார் சைக்கிளை கிஷோர் ஓட்ட, விக்னேஷ்வர் பின்னால் அமர்ந்திருந்தார். திருச்சி தலைமை தபால் அலுவலகம் ரோட்டில் டி.வி.எஸ்.டோல்கேட் நோக்கி மோட்டார் சைக்கிளில் சென்றபோது, டி.வி.எஸ். டோல்கேட்டில் இருந்து வேகமாக வந்த கார், முதலியார் சத்திரம் குட்ஷெட் செல்லும் வழியில் திடீரென திரும்பியது. அப்போது மோட்டார் சைக்கிள் காரின் முன்பக்க பக்கவாட்டு கதவில் மோதி விபத்துக்குள்ளானது. இந்த விபத்தில் தூக்கி வீசப்பட்ட கிஷோர் சம்பவ இடத்திலேயே ரத்த வெள்ளத்தில் உயிரிழந்தார்.

சாவு

படுகாயத்துடன் உயிருக்கு போராடிய விக்னேஷ்வரை சிகிச்சைக்காக திருச்சி அரசு ஆஸ்பத்திரிக்கு கொண்டு சென்றனர். மேலும் காரை ஓட்டி வந்த திருச்சி சங்கிலியாண்டபுரம் பாரதிநகரை சேர்ந்த காதர்பாஷா(43), அவருடன் வந்த குடும்பத்தினரும் காயம் அடைந்தனர். இது பற்றி திருச்சி வடக்கு போக்குவரத்து புலனாய்வு பிரிவு போலீஸ் இன்ஸ்பெக்டர் சித்ரா வழக்குப்பதிவு செய்து விசாரணை நடத்தினார்.

இந்த நிலையில் ஆஸ்பத்திரியில் சிகிச்சை பெற்று வந்த விக்னேஷ்வர் நேற்று காலை சிகிச்சை பலனின்றி உயிரிழந்தார். அவரது உடலை பார்த்து பெற்றோர் மற்றும் உறவினர்கள் கதறி அழுதனர்.

பிறந்தநாள் கொண்டாடினார்

விபத்தில் பலியான விக்னேஷ்வர் பற்றிய உருக்கமான தகவல் கிடைத்தது. அதாவது, நேற்று முன்தினம் விக்னேஷ்வருக்கு பிறந்தநாள் ஆகும். அதற்காக, தனது நண்பர் கிஷோர் மற்றும் சில நண்பர்களுடன் கேக் வெட்டி கொண்டாடியதாக கூறப்படுகிறது. கொண்டாட்டம் முடிந்து இரவு வேளையில் வீடு திரும்பியபோது விபத்தில் சிக்கி அவர் உயிரிழந்துள்ளார்.

விபத்து தொடர்பாக காரை ஓட்டி வந்த காதர்பாட்ஷாவிடம் தொடர்ந்து போலீசார் விசாரணை நடத்தி வருகிறார்கள்.

தொடர்புடைய செய்திகள்

1. நாகர்கோவிலில் பஸ் சக்கரத்தில் சிக்கி இளம்பெண் சாவு: படுகாயம் அடைந்த கணவரும் பலியான பரிதாபம்
நாகர்கோவிலில் அரசு பஸ் சக்கரத்தில் சிக்கி இளம்பெண் பலியான சம்பவத்தில் படுகாயம் அடைந்த கணவரும் சிகிச்சை பலனின்றி பரிதாபமாக இறந்தார்.
2. விபத்தில் பலியான மாணவர் குடும்பத்துக்கு நஷ்டஈடு வழங்க கோரி கல்லூரியை மாணவர்கள் முற்றுகை
விபத்தில் பலியான மாணவர் குடும்பத்துக்கு நஷ்டஈடு வழங்கக்கோரி கல்லூரியை முற்றுகையிட்டு மாணவர்கள் விடிய, விடிய போராட்டத்தில் ஈடுபட்டனர்.
3. கோவையில், கொரோனா வார்டில் சிகிச்சை பெற்ற தாய்லாந்து மீனவர் திடீர் சாவு
கோவை அரசு ஆஸ்பத்திரியில் உள்ள கொரோனா வார்டில் சிகிச்சை பெற்று வந்த தாய்லாந்து நாட்டை சேர்ந்த மீனவர் திடீரென இறந்தாா்.
4. செங்கோட்டை அருகே கார்- மோட்டார்சைக்கிள் மோதல்; தொழிலாளி சாவு டிரைவர் கைது
செங்கோட்டை அருகே கார்- மோட்டார்சைக்கிள் மோதிக் கொண்ட விபத்தில் தொழிலாளி பரிதாபமாக இறந் தார். இந்த விபத்து தொடர்பாக கார் டிரைவரை போலீசார் கைது செய்தனர்.
5. தாரமங்கலம் அருகே, விபத்தில் சேலம் சிறை வார்டன் பலி
தாரமங்கலம் அருகே, விபத்தில் சேலம் சிறை வார்டன் பலியானார்.