மாவட்ட செய்திகள்

குடிபோதையில் தகராறு: கல்லால் அடித்து கொத்தனார் கொலை வாலிபர் கைது + "||" + Drunken dispute: Youth arrested for murder

குடிபோதையில் தகராறு: கல்லால் அடித்து கொத்தனார் கொலை வாலிபர் கைது

குடிபோதையில் தகராறு: கல்லால் அடித்து கொத்தனார் கொலை வாலிபர் கைது
திருவையாறு அருகே குடிபோதையில் ஏற்பட்ட தகராறில் கல்லால் அடித்து கொத்தனார் கொலை செய்யப்பட்டார். இது தொடர்பாக வாலிபர் ஒருவரை போலீசார் கைது செய்து உள்ளனர்.
திருவையாறு,

தஞ்சை மாவட்டம் திருவையாறு அருகே உள்ள வீரசிங்கம்பேட்டை மேட்டுத்தெருவை சேர்ந்தவர் முனியய்யா. இவருடைய மகன் ராஜாமணிமாறன்(வயது33). கொத்தனார். இவரது பக்கத்து வீட்டில் வசித்து வருபவர் பன்னீர்செல்வம் மகன் ஜீவா(25). இவர்கள் இருவரும் நண்பர்கள். நேற்று மதியம் ராஜாமணிமாறனும், ஜீவாவும் நடுக்கடை பகுதியில் உள்ள டாஸ்மாக் மதுக்கடைக்கு சென்று மது அருந்தினர். பின்னர் கடையில் இருந்து வெளியே வந்த போது அவர்கள் இருவருக்கும் இடையே தகராறு ஏற்பட்டது. இதில் ஆத்திரமடைந்த ஜீவா அருகே கிடந்த கல்லை எடுத்து ராஜாமணிமாறனின் தலையில் அடித்ததாக கூறப்படுகிறது.


கைது

தாக்குதலில் படுகாயமடைந்த ராஜாமணிமாறன் சம்பவ இடத்தில் ரத்த வெள்ளத்தில் மயங்கி விழுந்தார். அவரை அக்கம்பக்கத்தினர் மீட்டு சிகிச்சைக்காக திருவையாறு அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த டாக்டர் ராஜாமணிமாறன் ஏற்கனவே இறந்து விட்டதாக தெரிவித்தனர். இது குறித்து தகவல் அறிந்த திருவையாறு போலீஸ் இன்ஸ்பெக்டர் ஜெகதீசன் திருவையாறு அரசு மருத்துவமனைக்கு சென்று ராஜாமணிமாறன் உடலை பிரேத பரிசோதனைக்காக அனுப்பி வைத்தார். மேலும் ஜீவாவை திருவையாறு போலீசார் கைது செய்து விசாரணை நடத்தி வருகிறார்கள். கொலை செய்யப்பட்ட ராஜாமணிமாறனுக்கு திருமணமாகவில்லை. கல்லால் அடித்து கொத்தனார் கொலை செய்யப்பட்ட சம்பவம் திருவையாறு பகுதியில் பரபரப்பை ஏற்படுத்தி உள்ளது.

தொடர்புடைய செய்திகள்

1. மாவட்டம் முழுவதும் 358 வழக்குகள் பதிவு; 412 பேர் கைது
மாவட்டத்தில் கொரோனா தடுப்பு நடவடிக்கையாக அமலில் உள்ள 144 தடை உத்தரவை மீறியதாக 358 வழக்குகள் பதிவு செய்யப்பட்டு 412 பேர் கைது செய்யப்பட்டுள்ளனர்.
2. வெனிசூலா அதிபரை கைது செய்ய அமெரிக்கா தீவிரம்: தகவல் தெரிவிப்பவர்களுக்கு ரூ.112 கோடி சன்மானம் அறிவிப்பு
போதைப்பொருள் கடத்தலில் ஈடுபடுவதாக கூறி வெனிசூலா அதிபரை கைது செய்ய அமெரிக்கா உத்தரவிட்டுள்ளது. அவரது கைது தொடர்பாக தகவல் தெரிவிப்பவர்களுக்கு ரூ.112 கோடி சன்மானம் வழங்கப்படும் என அறிவிக்கப்பட்டு உள்ளது.
3. சென்னையில் பயங்கரம் பாலியல் துன்புறுத்தல் செய்து 10 வயது சிறுமி கொலை 2-வது மாடியில் இருந்து கீழே வீசிய தொழிலாளி கைது
10 வயது சிறுமியை பாலியல் துன்புறுத்தல் செய்து 2-வது மாடியில் இருந்து கீழே வீசி கொலை செய்த கட்டிடத்தொழிலாளியை போலீசார் கைது செய்தனர்.
4. காரமடை அருகே பெள்ளாதி கூட்டுறவு சங்கத்தில் ரூ.4 கோடியே 80 லட்சம் மோசடி முன்னாள் தலைவர், செயலாளர் கைது
காரமடை அருகே உள்ள பெள்ளாதி கூட்டுறவு சங்கத்தில் ரூ.4 கோடியே 80 லட்சம் மோசடி செய்யப்பட்டது. இது தொடர்பாக முன்னாள் தலைவர், செயலாளர் ஆகியோர் கைது செய்யப்பட்டனர்.
5. பாலியல் துன்புறுத்தல் செய்து 10 வயது சிறுமி கொலை - தொழிலாளி கைது
10 வயது சிறுமியை பாலியல் துன்புறுத்தல் செய்து 2-வது மாடியில் இருந்து கீழே வீசி கொலை செய்த கட்டிடத்தொழிலாளியை போலீசார் கைது செய்தனர்.