மாவட்ட செய்திகள்

பிளஸ்-2 மாணவி தற்கொலை இயற்பியல் தேர்வு கடினமாக இருந்ததால் விபரீத முடிவு + "||" + Plus-2 student suicide physics is difficult to choose because of the extreme results

பிளஸ்-2 மாணவி தற்கொலை இயற்பியல் தேர்வு கடினமாக இருந்ததால் விபரீத முடிவு

பிளஸ்-2 மாணவி தற்கொலை இயற்பியல் தேர்வு கடினமாக இருந்ததால் விபரீத முடிவு
குழித்துறை அருகே இயற்பியல் தேர்வு கடினமாக இருந்ததால் பிளஸ்-2 மாணவி தூக்குப்போட்டு தற்கொலை செய்து கொண்டார்.
நாகர்கோவில்,

கன்னியாகுமரி மாவட்டம் குழித்துறை அருகே பெரியவிளை பகுதியை சேர்ந்தவர் தங்க மாயன், முறுக்கு வியாபாரி. இவருடைய மனைவி சுகப்ரியா. இவர்களுக்கு பிரதீ‌ஷா (வயது 18), தீபிகா (17) என்ற 2 மகள்களும், சர்வே‌‌ஷ் பாண்டி (10) என்ற மகனும் இருந்தனர். மாயனின் சொந்த ஊர் மதுரை மாவட்டம் உசிலம்பட்டி.


திரித்துவபுரத்தில் உள்ள தனியார் பள்ளியில் தீபிகா பிளஸ்-2 படித்து வந்தார். தற்போது பிளஸ்-2 பொதுத் தேர்வு நடந்து வருகிறது. கடந்த சில நாட்களுக்கு முன்பு இயற்பியல் தேர்வு நடந்தது. இந்த தேர்விற்கான வினாக்கள் கடினமாக இருந்ததால் தீபிகா அந்த தேர்வை சரியாக எழுதவில்லை என்று தெரிகிறது. இதனால் அவர் வேதனையுடன் இருந்தார்.

தூக்கில் தொங்கினார்

இதற்கிடையே நேற்றுமுன்தினம் மாயன் தன்னுடைய மனைவி சுகப்ரியாவுடன் தனது சொந்த ஊரான மதுரை மாவட்டம் உசிலம்பட்டிக்கு சென்றார். அன்றைய தினம் இரவு 11 மணிக்கு தீபிகா, அக்காள் பிரதீ‌ஷாவுடன் பேசிக்கொண்டிருந்தார். அப்போது, இயற்பியல் தேர்வு கடினமாக இருந்ததாகவும், அந்த தேர்வை சரியாக எழுதவில்லை எனவும் கூறி அழுதுள்ளார். உடனே அவர் தீபிகாவுக்கு ஆறுதல் கூறினார்.

பின்னர் தீபிகா தூங்கப்போவதாக அறைக்கு சென்றுள்ளார். நள்ளிரவில் திடீரென அந்த அறையில் இருந்து சத்தம் கேட்டது. இந்த சத்தத்தை கேட்டு கண் விழித்த பிரதீ‌ஷா அந்த அறைக்கு ஓடி சென்றார். அங்கு தூக்கில் தொங்கிய நிலையில் தீபிகா கிடந்ததை பார்த்து அதிர்ச்சி அடைந்தார்.

சோகம்

தொடர்ந்து அக்கம் பக்கத்தினர் உதவியுடன் தீபிகாவை மீட்டு அருகில் உள்ள ஆஸ்பத்திரிக்கு கொண்டு சென்றார். அங்கு பரிசோதனை செய்த டாக்டர், தீபிகா ஏற்கனவே இறந்து விட்டதாக தெரிவித்தார். இதுபற்றி தகவல் அறிந்த களியக்காவிளை போலீசார் விரைந்து சென்று தீபிகாவின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு கொண்டு சென்றனர். மேலும் இதுதொடர்பாக வழக்குப்பதிவு செய்து விசாரணை நடத்தி வருகின்றனர்.

இயற்பியல் தேர்வு கடினமாக இருந்ததால் பிளஸ்-2 மாணவி தூக்கில் தொங்கி உயிரை மாய்த்த சம்பவம் அந்த பகுதியில் சோகத்தை ஏற்படுத்தியது.

தொடர்புடைய செய்திகள்

1. கடிதம் எழுதி வைத்துவிட்டு வனக்காவலர் விஷம் குடித்து சாவு: தற்கொலைக்கு தூண்டியதாக மனைவி கைது
சாக்கோட்டை அருகே வனக்காவலர் ஒருவர் கடிதம் எழுதி வைத்துவிட்டு விஷம் குடித்து தற்கொலை செய்து கொண்டார். அவரை தற்கொலைக்கு தூண்டியதாக அவரது முதல் மனைவியை போலீசார் கைது செய்தனர்.
2. கடன் தொல்லையால் விபரீதம்: ஓட்டல் தொழிலாளி கழுத்தை அறுத்து தற்கொலை
கடன் தொல்லையால் விபரீதமாக ஓட்டல் தொழிலாளி கத்தியால் கழுத்தை அறுத்து தற்கொலை செய்து கொண்டார்.
3. ஏர்வாடி மீனவர் கொலையில் தொடர்புடைய முக்கிய குற்றவாளி வாரணாசியில் தற்கொலை - தங்கம் கடத்தல் சம்பவத்தில் பரபரப்பு திருப்பங்கள்
ஏர்வாடி பகுதியை சேர்ந்த மீனவர் கொலை செய்யப்பட்ட சம்பவத்தில் முக்கிய குற்றவாளியான கோடாங்கி ராமநாதன் என்பவர் வாரணாசியில் தற்கொலை செய்து கொண்டார். தங்கம் கடத்தலில் அடுத்தடுத்து பரபரப்பு சம்பவங்கள் அரங்கேறி உள்ளன.
4. பாலக்கோட்டில் மர வியாபாரி தீக்குளித்து தற்கொலை
பாலக்கோட்டில் குடும்ப தகராறு காரணமாக உடலில் பெட்ரோலை ஊற்றி மர வியாபாரி தீக்குளித்து தற்கொலை செய்து கொண்டார்.
5. வி‌‌ஷ்ணுபிரியா தற்கொலை விவகாரம்: ஆதாரங்களை அழித்த போலீஸ் அதிகாரிகளிடம் விசாரணை நடத்த வேண்டும்
திருச்செங்கோடு துணை போலீஸ் சூப்பிரண்டாக பணியாற்றிய வி‌‌ஷ்ணுபிரியா தற்கொலை விவகாரத்தில் ஆதாரங்களை அழித்த போலீஸ் அதிகாரிகள் உள்பட 4 போலீசாரிடம் விசாரணை நடத்த வேண்டும் என அவரது தந்தை ரவிக்குமார் நாமக்கல் மாவட்ட போலீஸ் சூப்பிரண்டு அலுவலகத்தில் புகார் மனு கொடுத்து உள்ளார்.