<
சிருகுப்பா தாலுகாவில் சம்பவம் ஆற்றில் குளிக்க சென்ற வாலிபரை, முதலை கடித்து கொன்றது
சிருகுப்பா தாலுகாவில், ஆற்றில் குளிக்க சென்ற ஒரு வாலிபரை, முதலை கடித்து கொன்ற சம்பவம் நடந்துள்ளது.
பெலகாவி,
பல்லாரி மாவட்டம் சிருகுப்பா தாலுகா வினாயகா கேம்ப் பகுதியில் வசித்து வந்தவர் ரகமத் அலி(வயது 30). இவர் நேற்று காலையில் அப்பகுதியில் ஓடும் துங்கபத்ரா ஆற்றில் குளிக்க சென்றார். பின்னர் அவர் வீடு திரும்பவில்லை. இதனால் அதிர்ச்சி அடைந்த அவருடைய குடும்பத்தினர் ஆற்றுப்பகுதிக்கு சென்று ரகமத் அலியை தேடினர்.
அப்போது அங்கு ரகமத் அலியின் உடல் மிதந்து கொண்டிருந்தது. அவர் கொடூரமான முறையில் இறந்திருந்தது தெரியவந்தது. அவருடைய உடலில் சில பாகங்களை காணவில்லை. இதனால் அதிர்ச்சி அடைந்த அவருடைய குடும்பத்தினர் உடனடியாக இதுபற்றி சிருகுப்பா போலீசாருக்கு தகவல் தெரிவித்தனர்.
முதலை கடித்து கொன்றது
தகவல் அறிந்த போலீசார், தீயணைப்பு துறையினருடன் சம்பவ இடத்திற்கு வந்து ரகமத் அலியின் உடலை கைப்பற்றினர். பின்னர் அவருடைய உடலை பிரேத பரிசோதனைக்காக மாவட்ட அரசு ஆஸ்பத்திரிக்கு அனுப்பி வைத்தனர். போலீசார் நடத்திய விசாரணையில் ரகமத் அலியை முதலை கடித்து கொன்று, அவருடைய உடல் பாகங்களை தின்றிருப்பது தெரியவந்தது.
தொடர்ந்து இதுபற்றி போலீசார் விசாரணை நடத்தி வருகிறார்கள். ஆற்றில் குளிக்க சென்ற வாலிபரை, முதலை கடித்து கொன்று தின்ற சம்பவம் அப்பகுதி மக்களிடையே பரபரப்பையும், பீதியையும் ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
