மாவட்ட செய்திகள்

144 தடை உத்தரவு பிறப்பிக்கப்பட்ட நிலையில் விற்பனை: பாரில், 2 ஆயிரம் மதுபாட்டில்கள் பறிமுதல் + "||" + 144 Prohibition of Sale in Procurement: Barrel, seizure of 2 thousand liquor stores

144 தடை உத்தரவு பிறப்பிக்கப்பட்ட நிலையில் விற்பனை: பாரில், 2 ஆயிரம் மதுபாட்டில்கள் பறிமுதல்

144 தடை உத்தரவு பிறப்பிக்கப்பட்ட நிலையில் விற்பனை: பாரில், 2 ஆயிரம் மதுபாட்டில்கள் பறிமுதல்
144 தடை உத்தரவு பிறப்பிக்கப்பட்ட நிலையில் தஞசையில் உள்ள மதுபான பாரில் 2 ஆயிரம் மதுபாட்டில்கள் பறிமுதல் செய்யப்பட்டன. அதிகாரிகள், போலீசார் சோதனையில் சிக்கியது.
தஞ்சாவூர்,

கொரோனா வைரஸ் பரவுவதை தடுக்கும் வகையில் நேற்று மாலை 6 மணி முதல் 144 தடை உத்தரவு பிறப்பிக்கப்பட்டது. இதனையடுத்து தஞ்சை மாவட்டத்தில் உள்ள அனைத்து மதுபானக்கடைகளும் மூடப்பட்டுள்ளன. இந்த நிலையில் தடையை மீறி யாராவது செயல்படுகிறார்களா? என அதிகாரிகள், போலீசார் சோதனை மேற்கொண்டனர்.


அப்போது தஞ்சை சாந்தப்பிள்ளை கேட் பகுதியில் உள்ள ஒரு மதுபானபாரில், மதுபானங்கள் விற்பனை செய்யப்படுவதாக கிடைத்த தகவலின் பேரில் கோட்டாட்சியர் வேலுமணி, கலால் உதவி ஆணையர் ரவிச்சந்திரன், டாஸ்மாக் மாவட்ட மேலாளர் அழகர்சாமி, தாசில்தார் வெங்கடேசன், தஞ்சை நகர கிழக்கு போலீஸ் இன்ஸ்பெக்டர் சுப்பிரமணியன் மற்றும் போலீசார், அதிகாரிகள் கூட்டாக சம்பந்தப்பட்ட மதுபான பாருக்கு சென்று அதிரடி சோதனை மேற்கொண்டனர்.

2 ஆயிரம் மதுபாட்டில்கள்

அப்போது அந்த பாரில் மதுபான பாட்டில்கள் விற்பனை செய்தது தெரிய வந்தது. மேலும் விற்பனைக்காக வைக்கப்பட்டு இருந்த குவார்ட்டில் பாட்டில்கள் அடங்கிய 38 அட்டைப்பெட்டிகளும், பீர் பாட்டில்கள் அடங்கிய அட்டைப்பெட்டிகளும் பறிமுதல் செய்யப்பட்டன.

அதில் 1845 குவார்ட்டர் பாட்டில்களும், 200 பீர்பாட்டில்களும் என மொத்தம் 2,045 மதுபான பாட்டில்கள் இருந்தன. மேலும் ரூ.52 ஆயிரத்து 159-ம் பறிமுதல் செய்யப்பட்டது.

போலீசார் விசாரணை

பறிமுதல் செய்யப்பட்ட மதுபாட்டில்கள் நாஞ்சிக்கோட்டையில் உள்ள டாஸ்மாக் குடோனுக்கு அனுப்பி வைக்கப்பட்டன. இது தொடர்பாக தஞ்சை நகர கிழக்குப்போலீசார் விசாரணை நடத்தி வருகிறார்கள். ஆனால் யாரும் கைது செய்யப்படவில்லை.

தொடர்புடைய செய்திகள்

1. படப்பிடிப்புகளில் கலந்து கொள்ள 65 வயதுக்கு மேற்பட்டவர்களுக்கு விதிக்கப்பட்ட தடை நீக்கம் ஐகோர்ட்டு உத்தரவு
65 வயதுக்கு மேற்பட்டவர்கள் படப்பிடிப்புகளில் கலந்து கொள்ள விதிக்கப்பட்டு இருந்த தடை மும்பை ஐகோர்ட்டு உத்தரவால் நீக்கப்பட்டுள்ளது.
2. போதை மறுவாழ்வு மையம் அருகே பாருடன் கூடிய மதுக்கடை; மூடும்படி நீதிபதிகள் உத்தரவு
தேனியில் போதை மறுவாழ்வு மையம் அருகே அமைந்த மதுக்கடையை உடனடியாக மூடும்படி உயர்நீதிமன்ற மதுரைக்கிளை நீதிபதிகள் இன்று உத்தரவிட்டனர்.
3. வருகிற 10-ந் தேதி முதல் தமிழகத்தில் உடற்பயிற்சி கூடங்களுக்கு அனுமதி எடப்பாடி பழனிசாமி உத்தரவு
தமிழகம் முழுவதும் 10-ந் தேதியில் இருந்து தனியார் உடற்பயிற்சி கூடங்கள் இயங்கலாம் என்று முதல்-அமைச்சர் எடப்பாடி பழனிசாமி உத்தரவிட்டுள்ளார்.
4. ஊரடங்கு காலத்தில் மாணவர்களுக்கு எப்படி முட்டை வழங்குவது? அரசு முடிவு செய்ய, ஐகோர்ட்டு உத்தரவு
மாணவர்களுக்கு எப்படி முட்டை வழங்குவது என்பது குறித்து தமிழக அரசு முடிவு செய்ய வேண்டும் என்று சென்னை ஐகோர்ட்டு உத்தரவிட்டுள்ளது.
5. அமெரிக்காவில் அரசு நிறுவனங்களில் ‘எச்1 பி’ விசாதாரர்களை பணியமர்த்த தடை; டிரம்ப் அதிரடி உத்தரவு
அமெரிக்காவில் அரசு நிறுவனங்களில் ‘எச்1 பி’ விசாதாரர்களை பணியமர்த்த தடை விதித்து ஜனாதிபதி டிரம்ப் அதிரடி உத்தரவு பிறப்பித்துள்ளார்.