மாவட்ட செய்திகள்

கொரோனா அச்சுறுத்தலால் மாவட்ட எல்லைகள் மூடல்: 144 தடை உத்தரவை மீறினால் கடும் நடவடிக்கை - கலெக்டர் எச்சரிக்கை + "||" + By threatening the corona District boundaries: Severe action for violation of 144 Collector Warning

கொரோனா அச்சுறுத்தலால் மாவட்ட எல்லைகள் மூடல்: 144 தடை உத்தரவை மீறினால் கடும் நடவடிக்கை - கலெக்டர் எச்சரிக்கை

கொரோனா அச்சுறுத்தலால் மாவட்ட எல்லைகள் மூடல்: 144 தடை உத்தரவை மீறினால் கடும் நடவடிக்கை - கலெக்டர் எச்சரிக்கை
கொரோனா அச்சுறுத்தல் எதிரொலியாக மாவட்ட எல்லைகள் மூடப்பட்டன. 144 தடை உத்தரவை மீறினால் கடும் நடவடிக்கை எடுக்கப்படும் என்று கலெக்டர் எச்சரித்துள்ளார்.
தேனி,

கொரோனா வைரஸ் அச்சுறுத்தல் எதிரொலியாகவும், இந்த வைரஸ் பரவாமல் தடுக்கும் வகையிலும் தேனி மாவட்டத்தில் கேரள மாநில எல்லைகள் ஏற்கனவே மூடப்பட்டுள்ளன. தமிழகத்தில் 144 தடை உத்தரவு அமல்படுத்தப்பட்டதால் நேற்று மாலை 6 மணியளவில் மாவட்ட எல்லைகளும் மூடப்பட்டன. அதன்படி தேனியில் இருந்து திண்டுக்கல், மதுரை மாவட்டங்களுக்கு செல்லும் சாலைகளில் போக்குவரத்து நிறுத்தப்பட்டுள்ளது.

மாவட்டம் முழுவதும் நேற்று மாலை 6 மணியில் இருந்து 144 தடை உத்தரவு அமலுக்கு வந்துள்ளது. இதுகுறித்து தேனி மாவட்ட கலெக்டர் பல்லவி பல்தேவ் வெளியிட்டுள்ள செய்திக்குறிப்பில் கூறப்பட்டுள்ளதாவது:-

கொரோனா வைரஸ் பரவாமல் முற்றிலும் தடுக்கும் விதமாக சமூக தனிமைப்படுத்துதலை தீவிரப்படுத்தும் வகையில், தேனி மாவட்டத்தில் குற்றவியல் நடைமுறைச் சட்டப்பிரிவு 144-ன் கீழ் ஊரடங்கு உத்தரவு அமல்படுத்தப்பட்டு உள்ளது. இந்த 144 தடை சட்டத்தின்படி, பொது இடங்களில் 5 நபர்களுக்கு மேல் கூட்டமாக சேரக்கூடாது. பொது மற்றும் தனியார் போக்குவரத்துகளான பஸ், ஆட்டோக்கள், டாக்சி போன்ற போக்குவரத்திற்கு தடை செய்யப்பட்டுள்ளது. பால், காய்கறிகள் உள்ளிட்ட அத்தியாவசிய பொருட்கள் ஏற்றிச் செல்லும் வாகனங்களுக்கு மட்டும் விதிவிலக்கு அளிக்கப்பட்டுள்ளது.

அதில் காய்கறி கடை, மளிகை கடைகள், மருந்தகங்கள், பால் மற்றும் ரேஷன் கடைகள் செயல்படும். உணவகங்களில் அமர்ந்து உண்பது தடை செய்யப்பட்டுள்ளது. பார்சல் முறையில் உணவுகள் வழங்கலாம். அம்மா உணவகங்கள் வழக்கம் போல் செயல்படும். அத்தியாவசியமான பொருட்கள் தயாரிக்கும் தொழிற்சாலைகள் குறைந்த பணியாளர்களுடன் இயங்க அனுமதி உண்டு.

தேனி மாவட்டத்தில் இந்த தடைச்சட்டம் அடுத்த மாதம் (ஏப்ரல்) 1-ந்தேதி காலை 6 மணி வரை அமலில் இருக்கும். இந்த நிபந்தனைகளை மீறுபவர்கள் மீது 1897-ம் ஆண்டு தொற்று நோய் சட்டம், 2005-ம் ஆண்டு பேரிடர் மேலாண்மை சட்டம் மற்றும் 1860-ம் ஆண்டு இந்திய தண்டனை சட்டம் பிரிவு 188 மற்றும் 45 ஆகியவற்றின் கீழ் கடும் நடவடிக்கை எடுக்கப்படும்.

கொரோனா வைரஸ் தொற்று பரவுவதை தடுக்கும் வகையில் பொதுமக்கள் வெளியே எங்கும் செல்லாமல் வீட்டில் இருந்து ஒத்துழைப்பு அளிக்க வேண்டும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. கொரோனா வைரஸ் அச்சுறுத்தல் எதிரொலி: அலுவலகத்துக்கு வெளியே நின்று மனுக்கள் வாங்கிய கலெக்டர்
கொரோனா வைரஸ் அச்சுறுத்தல் எதிரொலியாக தேனி மாவட்ட கலெக்டர் அலுவலகத்துக்கு வெளியே நின்று மக்களிடம் கலெக்டர் பல்லவி பல்தேவ் மனுக்கள் வாங்கினார்.
2. பள்ளி, கல்லூரிகளில் ‘கொரோனா’ வைரஸ் விழிப்புணர்வு - கலெக்டர் தகவல்
பள்ளி, கல்லூரிகளில் கொரோனா வைரஸ் குறித்த விழிப்புணர்வு ஏற்படுத்தப்பட்டு வருவதாக கலெக்டர் பல்லவி பல்தேவ் தெரிவித்துள்ளார். இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-
3. 73 போலீசாருக்கு முதல்-அமைச்சர் பதக்கம், குடியரசு தின விழாவில் கலெக்டர் வழங்கினார்
தேனி மாவட்டத்தில் பணியாற்றும் 73 போலீசாருக்கு முதல்-அமைச்சர் பதக்கத்தை குடியரசு தின விழாவில் கலெக்டர் பல்லவி பல்தேவ் வழங்கி பாராட்டினார்.
4. 4 லட்சம் ரேஷன் கார்டுகளுக்கு பொங்கல் பரிசு தொகுப்பு - கலெக்டர் பல்லவி பல்தேவ் தகவல்
தேனி மாவட்டத்தில் 4 லட்சம் ரேஷன் கார்டுகளுக்கு பொங்கல் பரிசு தொகுப்பு வழங்கப்பட உள்ளது என்று கலெக்டர் பல்லவி பல்தேவ் தெரிவித்தார்.
5. தேர்தல் வெளிப்படையாக நடப்பதை உறுதி செய்ய ஒன்றிய அளவில் அமைக்கப்பட்ட குழுக்களுக்கு உறுப்பினர்கள் நியமனம் - கலெக்டர் உத்தரவு
தேர்தல் வெளிப்படையாக நடப்பதை உறுதிசெய்ய ஒன்றிய அளவில் அமைக்கப்பட்ட நடத்தை விதிகள் அமலாக்கக்குழுக்களுக்கு உறுப்பினர்களை நியமனம் செய்து கலெக்டர் உத்தரவிட்டார்.