மாவட்ட செய்திகள்

பாளையங்கோட்டையில் பிளாஸ்டிக் பையில் உணவு பொதிந்து வழங்கிய கடைக்காரர்களுக்கு அபராதம் + "||" + In Playankottai Provided by packing food in a plastic bag Fines for shopkeepers

பாளையங்கோட்டையில் பிளாஸ்டிக் பையில் உணவு பொதிந்து வழங்கிய கடைக்காரர்களுக்கு அபராதம்

பாளையங்கோட்டையில் பிளாஸ்டிக் பையில் உணவு பொதிந்து வழங்கிய கடைக்காரர்களுக்கு அபராதம்
பாளையங்கோட்டையில் புகையிலை பொருட்கள் விற்பனை மற்றும் பிளாஸ்டிக் பையில் உணவு பொதிந்து கொடுத்த கடைக்காரர்களுக்கு அபராதம் விதிக்கப்பட்டது.
நெல்லை, 

144 தடை உத்தரவு காலத்தில் அத்தியாவசிய பொருட்கள் அதிக விலைக்கு விற்பனை செய்வதை கட்டுப்படுத்த உணவு பாதுகாப்பு துறை, தோட்டக்கலைத்துறை, விவசாயத்துறை, தொழிலாளர் நலத்துறை அலுவலர்கள் அடங்கிய குழு அமைத்து நெல்லை மாவட்டத்தில் உள்ள அனைத்து பகுதிகளிலும் உணவு பொருட்கள் தட்டுப்பாடு இன்றி, நியாயமான விலையில் கிடைப்பதை உறுதி செய்ய கலெக்டர் ஷில்பா உத்தரவிட்டுள்ளார்.

இதையொட்டி பாளையங்கோட்டை தினசரி மார்க்கெட் பகுதியில் உள்ள பலசரக்கு கடைகளில் தற்போதுள்ள நெருக்கடியான சூழ்நிலையை பயன்படுத்தி உணவு பொருட்கள் அதிக விலைக்கு விற்பதாக கலெக்டருக்கு புகார்கள் வந்தன.

இதையடுத்து மாவட்ட உணவு பாதுகாப்பு துறை நியமன அலுவலர் ஜெகதீஷ் சந்திரபோஸ் தலைமையில் உணவு பாதுகாப்பு அலுவலர்கள் சங்கரலிங்கம், ராமசுப்பிரமணியன், உதவி தொழிலாளர் நல ஆய்வாளர் சத்யநாராயணன் ஆகியோர் நேற்று பாளையங்கோட்டை மார்க்கெட் பகுதியில் உள்ள கடைகளில் திடீர் ஆய்வு நடத்தினர். அப்போது உணவு பொருட்கள் வாங்க வரும் பொதுமக்கள் சமூக இடைவெளியை கடைபிடிக்க அறிவுறுத்தியதுடன், அனைத்து கடைகளிலும் விலை பட்டியல் வைக்கவும் அறிவுறுத்தினர்.

இதே போல் பாளையங்கோட்டை திருச்செந்தூர் ரோட்டில் உள்ள கடைகளிலும் இந்த குழுவினர் ஆய்வு செய்தனர். அப்போது தடை செய்யப்பட்ட புகையிலை கலந்த உணவு பொருட்கள் விற்பனை செய்யப்படுவதை கண்டறிந்து, தடை செய்யப்பட்ட அந்த பொருட்களை அதிகாரிகள் பறிமுதல் செய்தனர். மேலும் வியாபாரி பக்ருதீனுக்கு ரூ.5 ஆயிரம் அபராதம் விதிக்கப்பட்டது.

பாளையங்கோட்டை தெற்கு பஜாரில் உள்ள ஒரு கடையில் பிளாஸ்டிக் பையில் உணவு பொருட்கள் பொதிந்து வழங்கப்பட்டதையும் கண்டுபிடித்தனர். அந்த கடை வியாபாரி நம்பி சிவன் என்பவருக்கு ரூ.2 ஆயிரம் அபராதம் விதிக்கப்பட்டது.

இந்த தகவலை உணவு பாதுகாப்பு துறை நெல்லை மாவட்ட நியமன அலுவலர் ஜெகதீஷ் சந்திரபோஸ் தெரிவித்து உள்ளார்.

தொடர்புடைய செய்திகள்

1. பாளையங்கோட்டை சிவன் கோவில் தெப்பக்குளத்தை சுற்றி ஆக்கிரமிப்பு: ஒரே நாளில் 27 வீடுகள் இடிப்பு போலீஸ் பாதுகாப்புடன் மாநகராட்சி அதிரடி
பாளையங்கோட்டை சிவன் கோவில் தெப்பக்குளத்தை சுற்றி ஆக்கிரமிப்பு செய்யப்பட்ட 27 வீடுகள் நேற்று ஒரே நாளில் இடித்து அகற்றப்பட்டன. போலீஸ் பாதுகாப்புடன் மாநகராட்சி அதிகாரிகள் இந்த அதிரடி நடவடிக்கையை மேற்கொண்டனர்.
2. பாளையங்கோட்டையில் அம்மா உணவகத்தை அமைச்சர் ராஜலட்சுமி ஆய்வு
பாளையங்கோட்டையில் அம்மா உணவகத்தை அமைச்சர் ராஜலட்சுமி ஆய்வு செய்தார்.
3. பாளையங்கோட்டை வ.உ.சி. மைதானத்தில் தற்காலிக மார்க்கெட் செயல்பட தொடங்கியது - மக்கள் ஒரே இடத்தில் கூடுவதை தடுக்க நடவடிக்கை
மக்கள் ஒரே இடத்தில் கூடுவதை தடுக்க பாளையங்கோட்டை வ.உ.சி. மைதானத்தில் அமைக்கப்பட்ட தற்காலிக மார்க்கெட் நேற்று செயல்பட தொடங்கியது.
4. பாளையங்கோட்டையில் கொரோனா பீதிக்கு இடையே தற்காலிக மார்க்கெட்டில் குவிந்த பொதுமக்கள்
பாளையங்கோட்டையில் கொரோனா பீதிக்கு இடையே தற்காலிக மார்க்கெட்டில் காய்கறிகள் வாங்க பொதுமக்கள் குவிந்தனர். இதனால் கூட்டத்தை கட்டுப்படுத்த முடியாமல் போலீசார் திணறினர்.

அதிகம் வாசிக்கப்பட்டவை