ஆண்டிமடத்தில் 9 கடைகளுக்கு அதிகாரிகள் ‘சீல்’

ஆண்டிமடம், 

அரியலூர் மாவட்டம், ஆண்டிமடம் கடைவீதி பகுதியில் கொரோனா வைரஸ் தடுப்பு நடவடிக்கையாக 144 தடை உத்தரவு பிறப்பிக்கப்பட்டு நடைமுறையில் இருந்து வருகிறது. இந்நிலையில் தடையை மீறி 6 பேக்கரி, 1 ஸ்வீட் ஸ்டால், 1 டீக்கடை, விளந்தையில் நடைபெறும் ஒரு தனியார் நிறுவனம் உள்பட 9 கடைகளுக்கும் ஆண்டிமடம் தாசில்தார் தேன்மொழி பூட்டி ‘சீல்’ வைத்தார். அப்போது துணை தாசில்தார் காமராஜ், கிராம நிர்வாக அதிகாரி இலக்கியா, ஆண்டிமடம் போலீஸ் சப்-இன்ஸ்பெக்டர் மதன்குமார் மற்றும் போலீசார் உடன் இருந்தனர்.