<
மராட்டியத்தில் இருந்து பஸ்சில் வந்த சென்னை மாணவர்கள் 13 பேருக்கு கொரோனா பாதிப்பு இல்லை - பரிசோதனையில் முடிவு
மராட்டியத்தில் இருந்து பஸ்சில் வந்த சென்னை மாணவர்கள் 13 பேருக்கும் கொரோனா வைரஸ் தொற்று பாதிப்பில்லை என்பது உறுதி செய்யப்பட்டது.
கும்மிடிப்பூண்டி,
மராட்டிய மாநிலம் அவுரங்காபாத்தில் உள்ள கல்லூரியில் படித்து வரும் சென்னையை சேர்ந்த 13 மாணவர்கள், தனியார் பஸ் ஒன்றின் மூலம் சென்னை நோக்கி நேற்றுமுன்தினம் புறப்பட்டு வந்தனர். திருவள்ளூர் மாவட்டம் கும்மிடிப்பூண்டி அடுத்த எளாவூரில் உள்ள சோதனைச்சாவடியை அந்த சொகுசு பஸ், கடந்து செல்ல முயன்ற போது, தடுத்து நிறுத்தப்பட்டனர்.
மராட்டிய மாநிலத்தில் இருந்து சொகுசு பஸ் வந்ததால், அதில் வந்த மாணவர்களுக்கு கொரோனா வைரஸ் தொற்று ஏதேனும் உள்ளதா? என்பதை கண்டறிய ரத்த மாதிரிகளை எடுத்து சோதனை நடத்தப்பட்டது. முடிவுகள் வரும் வரை கும்மிடிப்பூண்டியில் உள்ள தனியார் விடுதியில் தனிமைப்படுத்தி தங்க வைக்கப்பட்டனர்.
இதைத்தொடர்ந்து சுகாதார அதிகாரிகள் அவர்களது ரத்த மாதிரிகளை பரிசோதனைக்காக சென்னைக்கு அனுப்பி வைத்தனர்.
இந்த நிலையில், நேற்று மாலை பரிசோதனை முடிவுகள் வெளியானதில், சென்னை மாணவர்கள் 13 பேருக்கும் கொரோனா வைரஸ் தொற்று பாதிப்பில்லை என்பது உறுதி செய்யப்பட்டது. இதனையடுத்து மாணவர்கள் அனைவரும் கும்மிடிப்பூண்டியில் இருந்து மினி பஸ்சில் சென்னைக்கு அனுப்பி வைக்கப்பட்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
