<
கேளம்பாக்கம் அருகே, ஏ.டி.எம். மையத்தில் கொள்ளை முயற்சியில் ஈடுபட்டவர் கைது
கேளம்பாக்கம் அருகே ஏ.டி.எம். மையத்தில் கொள்ளை முயற்சியில் ஈடுபட்ட நபரை போலீசார் கைது செய்தனர்.
திருப்போரூர்,
செங்கல்பட்டு மாவட்டம் கேளம்பாக்கம் அருகே உள்ள சிறுசேரி சிப்காட் வளாகத்தில் உள்ள ஒரு வங்கி ஏ.டி.எம். மையத்துக்குள் புகுந்த மர்மநபர், ஏ.டி.எம். எந்திரத்தை உடைத்து கொள்ளையடிக்க முயன்றார்.
முன்னதாக எச்சரிக்கை அலாரம் மற்றும் கண்காணிப்பு கேமராவுக்கு செல்லும் வயரை துண்டித்தபோது, மும்பையில் உள்ள அந்த வங்கியின் தலைமை அலுவலகத்துக்கு குறுஞ்செய்தி தகவல் சென்றது. உடனடியாக அவர்கள், கேளம்பாக்கம் போலீசாருக்கு தகவல் கொடுத்தனர். அதன்பேரில் போலீசார் சம்பவ இடத்துக்கு விரைந்தனர்.
போலீசாரை கண்டதும், ஏ.டி.எம். மையத்தில் கொள்ளை முயற்சியில் ஈடுபட்டவர் தப்பி ஓடிவிட்டார். இதனால் ஏ.டி.எம். எந்திரத்தில் இருந்த ரூ.3.5 லட்சம் தப்பியது. இதுபற்றி கேளம்பாக்கம் போலீசார் வழக்குப்பதிவு செய்து ஏ.டி.எம். மையத்தில உள்ள கண்காணிப்பு கேமராவில் பதிவான காட்சிகளை வைத்து திரிபுரா மாநிலத்தை சேர்ந்த 18 வயது சிறுவனை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
