டாக்டர் உடலை அடக்கம் செய்ய எதிர்ப்பு பெண் உள்பட 14 பேர், குண்டர் சட்டத்தில் சிறையில் அடைப்பு - போலீஸ் கமிஷனர் உத்தரவு

சென்னை, 

சென்னை கீழ்ப்பாக்கத்தைச் சேர்ந்த டாக்டர் சைமன் ஹெர்குலஸ் கொரோனா பாதிப்பில் இறந்தார். 

கடந்த மாதம் 19-ந்தேதி இரவு, டாக்டரின் உடலை அடக்கம் செய்ய எதிர்ப்பு தெரிவித்து, அண்ணாநகர் கிழக்கு, நியூ ஆவடி சாலை அன்னை சத்யா நகரைச் சேர்ந்த ஏராளமானோர் வன்முறையில் ஈடுபட்டனர். ஆம்புலன்ஸ் வாகனம் கல்வீசி தாக்கப்பட்டது.

இந்த சம்பவம் தொடர்பாக அண்ணாநகர் போலீசார் 9 சட்டப் பிரிவுகளின் கீழ் வழக்குப்பதிவு செய்து விசாரணை நடத்தினார்கள். இதையொட்டி அன்னை சத்யா நகரைச் சேர்ந்த 21 பேர் கைது செய்யப்பட்டு, சிறையில் அடைக்கப்பட்டனர். இவர்களில் 1 பெண் உள்பட 14 பேரை குண்டர் சட்டத்தின் கீழ் 1 ஆண்டு சிறையில் அடைக்க போலீஸ் கமிஷனர் ஏ.கே.விஸ்வநாதன் நேற்று உத்தரவிட்டார்.

14 பேர்கள் பெயர் விவரம் வருமாறு:-

1.அண்ணாமலை(வயது 32). 2.ஆனந்தராஜ்(33). 3.கோபிநாத்(42). 4.காதர் மொய்தீன்(48). 5.மணி(32). 6.மணிகண்டன்(30). 7.நாகேந்திரன் (29). 8.பால்ராஜ்(34). 9.சங்கீதராஜன்(25). 10.சங்கர்(26). 11.சாரங்கபாணி(38). 12.சோமசுந்தரம்(24). 13.விஜய்(26). 14.நிர்மலா என்ற நிம்மி(38). இவர்கள் 14 பேரும் புழல் மத்திய சிறையில் உள்ளனர்.