பிற மாநிலங்களில் வேலை செய்யும் நாகையை சேர்ந்தவர்கள் சொந்த ஊர் திரும்ப இணைய தளத்தில் பதிவு செய்யலாம்

நாகப்பட்டினம், 

பிற மாநிலங்களில் வேலை செய்யும் நாகையை சேர்ந்தவர்கள் சொந்த ஊர் திரும்ப இணைய தளத்தில் பதிவு செய்யலாம் என நாகை கலெக்டர் பிரவீன்நாயர் கூறினார்.

இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-

பதிவு செய்யலாம்

நாகை மாவட்ட நிர்வாகத்துக்கு தகவல் தெரிவிக்காமல் வெளி மாநிலங்கள், சென்னை உள்ளிட்ட வெளி மாவட்டங்களை சேர்ந்தவர்கள் யாரேனும் நாகை மாவட்ட பகுதிகளுக்கு வந்திருந்தால் கிராம நிர்வாக அதிகாரிகள், ஊராட்சி செயலாளர்களுக்கு தகவல் தெரிவிக்க வேண்டும். மாவட்ட கட்டுப்பாட்டு அறையை 1077, 04365-251992 ஆகிய தொலைபேசி எண்களிலும் தொடர்பு கொண்டு தகவல் தெரிவிக்கலாம்.

இந்தியாவின் பிற மாநிலங்களில் வேலை செய்யும் நாகை மாவட்டத்தை சேர்ந்தவர்கள் தங்கள் சொந்த ஊருக்கு திரும்ப விருப்பம் இருந்தால் https://rttn.nonresidenttamil.org என்ற இணையதள முகவரியில் பதிவு செய்யலாம்.

வெளிமாநில தொழிலாளர்கள்

வெளிமாநிலம் அல்லது வெளிமாவட்டத்தில் இருந்து நாகை மாவட்டத்துக்கு புலம்பெயர்ந்த தொழிலாளர்கள், மாணவர்கள், ஆன்மிக பயணிகள், சுற்றுலா பயணிகள் தங்கள் மாவட்டம் அல்லது மாநிலத்துக்கு திரும்ப செல்வதற்கு https://rtos.nonresidenttamil.org என்ற இணையதள முகவரியில் பதிவு செய்து கொள்ளலாம். பதிவு செய்ய முடியாத நபர்கள் அருகில் உள்ள தாசில்தார் அலுவலகத்தை தொடர்பு கொள்ளலாம்.

இவ்வாறு அதில் கூறப்பட்டுள்ளது.