மாவட்ட செய்திகள்

காஞ்சீபுரம் மாவட்டத்தில் ஒரே நாளில் 45 பேருக்கு கொரோனா உறுதி + "||" + In Kancheepuram district In one day Corona confirmed to 45 people

காஞ்சீபுரம் மாவட்டத்தில் ஒரே நாளில் 45 பேருக்கு கொரோனா உறுதி

காஞ்சீபுரம் மாவட்டத்தில் ஒரே நாளில் 45 பேருக்கு கொரோனா உறுதி
காஞ்சீபுரம் மாவட்டத்தில் நேற்று ஒரே நாளில் 45 பேருக்கு கொரோனா தொற்று உறுதி செய்யப்பட்டுள்ளது.
காஞ்சீபுரம்,

சென்னை கோயம்பேடு மார்க்கெட்டில் வியாபாரிகள் பலருக்கு கொரோனா தொற்று உறுதி செய்யப்பட்டதைதொடர்ந்து மார்க்கெட் தற்காலிகமாக மூடப்பட்டு, காய்கறி வியாபாரிகள் அந்தந்த ஊருக்கு திரும்பி சென்றனர். இதனால் காஞ்சீபுரம் மாவட்டத்தில் கோயம்பேடு மார்க்கெட்டில் வியாபாரம் செய்து விட்டு திரும்பியவர்களின் ரத்த மாதிரிகள் எடுக்கப்பட்டு கொரோனா பரிசோதனை செய்யப்பட்டு, அதற்கான முடிவு நேற்று வெளியானது. இதில் காஞ்சீபுரம் மாவட்டத்தில் ஒரேநாளில் மொத்தம் 45 பேருக்கு கொரோனா தொற்று உறுதி செய்யப்பட்டது.

அதன்படி காஞ்சீபுரம் தாலுகாவில் சின்ன காஞ்சீபுரம், திருக்காளிமேடு பகுதிகளை சேர்ந்த கோயம்பேடு வியாபாரிகள் 12 பேர், இவர்களுடன் தொடர்பில் இருந்த 4 பெண்கள், 3 ஆண்கள் என 19 பேருக்கு கொரோனா தொற்று உறுதி செய்யப்பட்டது. வாலாஜாபாத் தாலுகாவில் கோயம்பேடு மார்க்கெட் வியாபாரி ஒருவருக்கும், உத்திரமேரூர் தாலுக்காவில் பாதுகாக்கப்பட்ட மண்டலமாக அறிவிக்கப்பட்ட பெருநகர் பகுதியை சேர்ந்த ஏற்கனவே கொரேனாவால் பாதிக்கப்பட்டவர்களுடன் தொடர்பில் இருந்த 7 வயது சிறுமி மற்றும் பெண் ஆகிய 2 பேருக்கும் நேற்று கொரோனா தொற்று உறுதி செய்யப்பட்டுள்ளது.

குன்றத்தூர்

ஸ்ரீபெரும்புதூர் தாலுகாவில் ஸ்ரீபெரும்புதூர் டவுன் பஞ்சாயத்து பகுதியை சேர்ந்த மார்க்கெட் வியாபாரிகள் 5 பேர், பாதுகாக்கப்பட்ட மண்டலமாக அறிவித்த திருமங்கலத்தில் 6 வயது சிறுவன் என 6 பேருக்கு கொரோனா தொற்று உறுதி செய்யப்பட்டது.

குன்றத்தூர் பகுதியில் கொரோனா வைரசின் தாக்கம் நாளுக்கு நாள் அதிகரித்து வருவதால் அந்த பகுதியில் தனிமைப்படுத்தப்பட்ட பகுதியாக அறிவிக்கப்பட்டு உள்ளது. அந்த பகுதியில் உள்ள மக்களுக்கு பேரூராட்சி நிர்வாகம் சார்பில் ஆண்டாங்குப்பம் பகுதியை சேர்ந்த 3 பேர் கோயம்பேடு மார்க்கெட்டுக்கு சென்ற காய்கறிகளை வாங்கி வீடு வீடாக சென்று விற்பனை செய்தனர். இவர்கள் 3 பேருக்கும் நேற்று கொரோனா உறுதியானது.

இது தவிர காய்கறி வாங்க கடைக்கு சென்று வந்த குன்றத்தூர், வெங்கடாபுரத்தை சேர்ந்த 45 வயதுடைய நபர், கோயம்பேடு மார்க்கெட்டில் காய்கறி வாங்கி வந்த மாங்காடு பகுதியைச் சேர்ந்த 2 பேர், அய்யப்பன்தாங்கலை சேர்ந்த ஒருவரும் கொரோனாவால் பாதிக் கப்பட்டனர்.

படப்பை

குன்றத்தூர் ஒன்றியம் மேல் படப்பை பகுதியை சேர்ந்த 35 வயது வாலிபர் சென்னையில் உள்ள தனியார் ஆஸ்பத்திரியில் மேலாளராக உள்ளார். அவருக்கு நேற்று கொரோனா உறுதியானது. காய்கறி விற்பனை செய்பவர்களான படப்பையை சேர்ந்த 3 பேரும், படப்பை அம்மணம்பாக்கம் பகுதியைச் சேர்ந்த 38 வயதுடைய ஒருவரும், படப்பை அடுத்த மாடம்பாக்கம் பகுதியை சேர்ந்த 66 வயது காய்கறி வியாபாரி, நடுவீரப்பட்டு பகுதியை சேர்ந்த 34 வயது காய்கறி வியாபாரி, வரதராஜபுரம் பகுதியைச் சேர்ந்த 43 வயதுடைய காய்கறி வியாபாரி ஆகிய 8 பேருக்கு நேற்று கொரோனா தொற்று உறுதியானதால் அனைவரும் ஆஸ்பத்திரியில் அனுமதிக்கப்பட்டனர்.

இவர்கள் உள்பட காஞ்சீபுரம் மாவட்டத்தில் நேற்று ஒரே நாளில் 45 பேருக்கு கொரோனா தொற்று உறுதி செய்யப்பட்டது. இதன்மூலம் மாவட்டம் முழுவதும் கொரோனாவால் பாதிக்கப்பட்டோரின் எண்ணிக்கை 87 ஆக உயர்ந்துள்ளது. இவர்களில் 11 பேர் குணமடைந்து வீடு திரும்பினர். ஒருவர் உயிரிழந்து விட்டார். மீதம் உள்ள 75 பேர் ஆஸ்பத்திரியில் சிகிச்சை பெற்று வருகின்றனர்.


தொடர்புடைய செய்திகள்

1. கர்நாடகத்தில் ஒரே நாளில் 248 பேருக்கு கொரோனா வைரஸ் தொற்று - திடீர் உயர்வால் அரசு அதிர்ச்சி
இதுவரை இல்லாத அளவுக்கு புதிய உச்சமாக கர்நாடகத்தில் ஒரே நாளில் 248 பேருக்கு கொரோனா பாதிப்பு ஏற்பட்டுள்ளது. வைரஸ் தொற்று பாதிப்பு திடீரென உயர்ந்து உள்ளதால் அரசு அதிர்ச்சி அடைந்துள்ளது.
2. காஞ்சீபுரம் மாவட்டத்தில் 15 டாஸ்மாக் கடைகள் திறப்பு - குடைகள் பிடித்தபடி மது பிரியர்கள் மது வாங்கிச்சென்றனர்
காஞ்சீபுரம் மாவட்டத்தில் 15 டாஸ்மாக் கடைகள் திறக்கப்பட்டன. வெயில் காரணமாக மது பிரியர்கள் குடைகள் பிடித்தபடி மது வாங்கிச்சென்றனர்.
3. காஞ்சீபுரம் மாவட்டத்தில் 14 ஆயிரத்து 145 பேருக்கு கொரோனா நிவாரண பொருட்கள் - கலெக்டர் தகவல்
காஞ்சீபுரம் மாவட்டத்தில் 14 ஆயிரத்து 145 பேருக்கு கொரோனா நிவாரண பொருட்கள் வழங்கப்பட்டுள்ளது என்று கலெக்டர் பொன்னையா தெரிவித்துள்ளார்.
4. சென்னை போலீசில் ஒரே நாளில் உதவி கமிஷனர், 7 இன்ஸ்பெக்டர்களுக்கு கொரோனா - பாதிப்பு எண்ணிக்கை 94 ஆக உயர்வு
சென்னை போலீசில் இதுவரை இல்லாத வகையில் ஒரே நாளில் ஒரு உதவி போலீஸ் கமிஷனர் மற்றும் 7 போலீஸ் இன்ஸ்பெக்டர்கள் கொரோனாவால் தாக்கப்பட்டனர். பாதிப்பு எண்ணிக்கை 94 ஆக உயர்ந்து விட்டது.
5. காஞ்சீபுரம் மாவட்டத்தில் குடிமராமத்து திட்டத்தில் 45 ஏரிகள் சீரமைக்கப்பட்டுள்ளது - கலெக்டர் தகவல்
காஞ்சீபுரம் மாவட்டத்தில் குடிமராமத்து திட்டத்தில் 45 ஏரிகள் சீரமைக்கப்பட்டுள்ளது என்று காஞ்சீபுரம் மாவட்ட கலெக்டர் பொன்னையா தெரிவித்தார்.