மாவட்ட செய்திகள்

டாஸ்மாக் கடைகள் இன்று திறப்பு:மதுப்பிரியர்கள் முக கவசம் அணிந்து குடையுடன் வர வேண்டும் + "||" + Opening Task Shop Today: Liquors should come with umbrellas and wear umbrellas

டாஸ்மாக் கடைகள் இன்று திறப்பு:மதுப்பிரியர்கள் முக கவசம் அணிந்து குடையுடன் வர வேண்டும்

டாஸ்மாக் கடைகள் இன்று திறப்பு:மதுப்பிரியர்கள் முக கவசம் அணிந்து குடையுடன் வர வேண்டும்
டாஸ்மாக் கடைகள் இன்று (வியாழக்கிழமை) திறக்கப்பட உள்ளதையொட்டி சமூக இடைவெளியை கடைபிடிக்க மதுப்பிரியர்கள் முக கவசம் அணிந்து குடையுடன் வர வேண்டும் என தெரிவிக்கப்பட்டது.
புதுக்கோட்டை, 

டாஸ்மாக் கடைகள் இன்று (வியாழக்கிழமை) திறக்கப்பட உள்ளதையொட்டி சமூக இடைவெளியை கடைபிடிக்க மதுப்பிரியர்கள் முக கவசம் அணிந்து குடையுடன் வர வேண்டும் என தெரிவிக்கப்பட்டது. கூட்டத்தை கட்டுப்படுத்த டோக்கன் முறை கடைபிடிக்கப்பட உள்ளது.

டாஸ்மாக் கடைகள்

கொரோனா வைரசை கட்டுப்படுத்த பிறப்பிக்கப்பட்ட ஊரடங்கால் தமிழகத்தில் மூடப்பட்ட டாஸ்மாக் கடைகள் இன்று (வியாழக்கிழமை) திறக்கப்படுகிறது. புதுக்கோட்டை மாவட்டத்திலும் டாஸ்மாக் கடைகளை திறக்க அதிகாரிகள் நடவடிக்கை எடுத்துள்ளனர்.

கடைகளில் இருந்து பாதுகாப்பான இடத்திற்கு மாற்றம் செய்யப்பட்ட மதுபாட்டில்கள் அனைத்தும் மீண்டும் கடைகளுக்கு கொண்டு வரப்பட்டன. கொரோனா வைரஸ் தொற்று ஏற்படாமல் இருக்க சமூக இடைவெளியை கடைபிடிக்க டாஸ்மாக் கடைகள் முன்பு தடுப்புகள் அமைப்பு, வட்டம் வரைதல் உள்ளிட்ட பணிகளை டாஸ்மாக் அதிகாரிகள் மேற்கொண்டுள்ளனர்.

குடையுடன் வர வேண்டும்

இந்த நிலையில் டாஸ்மாக் கடை திறப்பையொட்டி பின்பற்ற வேண்டிய வழிமுறைகள் தொடர்பாக டாஸ்மாக் மாவட்ட மேலாளர் செங்கிஸ்கான் சில நடை முறைகளை பிறப்பித்துள்ளார். அதன்படி கடைக்கு வரும் மதுப்பிரியர்களுக்கு மதுபானங்கள் வழங்கப் படுவதற்கு முன்பு அவர்களுக்கு கிருமி நாசினியாக சோப்பு நீரால் கைகளை கழுவிய பின்பே மது பானங்கள் வழங்க வேண்டும். மதுப்பிரியர்கள் முக கவசம் அணிவதோடு குடை ஒன்றும் பயன்படுத்த வேண்டும். குடை மற்றும் முக கவசம் இல்லாமல் வரும் மதுப்பிரியர்களுக்கு மதுபானங்கள் விற்பனை செய்யக்கூடாது.

மதுபான விற்பனையின் போது கூட்டத்தினை கட்டுப்படுத்தவும், மதுபான விற்பனையை ஒழுங்குபடுத்தவும் டோக்கன் முறையினை கடை பிடிக்க வேண்டும். மொத்தமாக மதுவிற்பனையை செய்யக்கூடாது. தவறும்பட்சத்தில் ஒழுங்கு நடவடிக்கை எடுக்கப்படும் என்பது உள்பட 13 வகையான நடைமுறைகளை அதில் கூறியுள்ளார்.

தடுப்புகள் அமைப்பு

இதற்கிடையில் கீரமங்கலம், ஆலங்குடி, வடகாடு, கணேஷ் நகர் உள்பட பகுதிகளில் உள்ள டாஸ்மாக் கடைகளில் 6 அடி இடைவெளிவிட்டு வரிசையில் செல்ல தடுப்புகள் அமைக்கப்பட்டுள்ளது.