மாவட்ட செய்திகள்

ரூ.40 லட்சம் செலவில் குடிமராமத்து பணி; எம்.எல்.ஏ. தொடங்கி வைத்தார் + "||" + Rehabilitation work at a cost of Rs 40 lakhs; The MLA getting started

ரூ.40 லட்சம் செலவில் குடிமராமத்து பணி; எம்.எல்.ஏ. தொடங்கி வைத்தார்

ரூ.40 லட்சம் செலவில் குடிமராமத்து பணி;  எம்.எல்.ஏ. தொடங்கி வைத்தார்
காட்டுமன்னார்கோவில் சட்டமன்ற தொகுதியில் ரூ.40 லட்சம் செலவில் குடிமராமத்து பணியை முருகுமாறன் எம்.எல்.ஏ. தொடங்கி வைத்தார்.
ஸ்ரீமுஷ்ணம்,

காட்டுமன்னார்கோவில் சட்டமன்ற தொகுதி ஸ்ரீமுஷ்ணம் அடுத்த கீழ்புளியங்குடி தாமரை ஏரி முதல்-அமைச்சசரின் குடிமராமத்து திட்டத்தின்கீழ் புனரமைக்கும் பணிக்கான தொடக்க நிகழ்ச்சி நடந்தது.

இதற்கு விருத்தாசலம் பொதுப்பணித்துறை செயற்பொறியாளர் மணி மோகன் தலைமை தாங்கினார். பொறியாளர் கோவிந்தராஜ், உதவி பொறியாளர் ரவிச்சந்திரன் ஆகியோர் முன்னிலை வகித்தனர். சிறப்பு அழைப்பாளராக அ.தி.மு.க. அமைப்பு செயலாளரும், காட்டுமன்னார்கோவில் தொகுதி எம்.எல்.ஏ.வுமான என்.முருகுமாறன் கலந்து கொண்டு குடிமராமத்து திட்ட பணியை தொடங்கி வைத்தார்.

இதில் அ.தி.மு.க. ஒன்றிய செயலாளர் கலியமூர்த்தி, நகர செயலாளர் பூமாலை.கேசவன், சேத்தியாத்தோப்பு கூட்டுறவு சர்க்கரை ஆலை தலைவர் கோ.பாலசுந்தரம், ஒன்றிய சேர்மன் லதா ஜெகஜீவன்ராம், மாவட்ட கவுன்சிலர் நவநீதக்கிருஷ்ணன், மாவட்ட விவசாய பிரிவு செயலாளர் குணசேகரன், ஒன்றிய துணை சேர்மன் திருச்செல்வம், ஒன்றிய துணை செயலாளர் ஜோதி பிரகாஷ், மாவட்ட தகவல் தொழில்நுட்ப பிரிவு செயலாளர் இ.கே.பி.மணிகண்டன், நகர அ.தி.மு.க. பாசறை செயலாளர் ராஜ ராயர், நிர்வாகிகள் அய்யப்பன், செந்தில், ஆனந்த் உள்பட பலர் கலந்து கொண்டனர்.

இதேபோல் காட்டுமன்னார்கோவில் சட்டமன்ற தொகுதிக்குட்பட்ட சோழத் தரம் நல்லாண் ஏரி குடிமராமத்து திட்டத்தின் மூலம் ரூ.20 லட்சம் செலவில் புனரமைக்கும் பணியையும் என்.முருகுமாறன் எம்.எல்.ஏ. தொடங்கி வைத்தார். அப்போது நந்தீஸ்வரமங்கலம் தொடக்க வேளாண்மை கூட்டுறவு சங்க தலைவர் மோகன் மற்றும் அ.தி.மு.க. நிர்வாகிகள், அரசு அலுவலர்கள் கலந்து கொண்டனர்.

இதேபோல் சிறுபாக்கம் அடுத்த ரெட்டாக்குறிச்சி ஏரி குடிமராமத்து திட்டத்தின் கீழ் ரூ.15 லட்சம் செலவில் புனரமைக்கும் பணிக்கான தொடக்க நிகழ்ச்சி நடந்தது. இதற்கு பொதுப்பணித்துறை உதவி பொறியாளர் உமா தலைமை தாங்கி, குடிமராமத்து திட்ட பணியை தொடங்கி வைத்தார். அப்போது கூட்டுறவு வங்கி தலைவர் தங்கவேல், ஊராட்சி மன்ற தலைவர் தனலட்சுமி பரமசிவம், விவசாயிகள் சங்க நிர்வாகிகள் பெருமாள், முருகேசன், சிவக்குமார், மணிகண்டன், அய்யாசாமி, ராமசாமி, செல்வராஜ் ஆகியோர் உடனிருந்தனர்.

தொடர்புடைய செய்திகள்

1. குடிமராமத்து பணியில் மரக்கன்று நடுவதை கட்டாயமாக்க வேண்டும் - மதுரை ஐகோர்ட்டு உத்தரவு
“குடிமராமத்து பணியில் மரக்கன்று நடுவதை கட்டாயமாக்க வேண்டும்” என்று மதுரை ஐகோர்ட்டு உத்தரவிட்டுள்ளது.
2. பள்ளிபுதுப்பட்டு ஏரியில் ரூ.30 லட்சத்தில் குடிமராமத்து பணி சக்கரபாணி எம்.எல்.ஏ. தொடங்கி வைத்தார்
விழுப்புரம் மாவட்டம் கண்டமங்கலம் ஒன்றியம் பள்ளிபுதுப்பட்டு ஏரியில் ரூ.30 லட்சத்தில் குடிமராமத்து பணியை சக்கரபாணி எம்.எல்.ஏ. தொடங்கி வைத்தார்.
3. தடை அமலில் இருக்கும் போது குடிமராமத்து பணியில் சவடு மண் எடுக்கலாம் என அறிவித்தது ஏன்? மதுரை ஐகோர்ட்டு கேள்வி
குடிமராமத்து பணியில் சவடு மண் எடுக்கலாம் என அறிவித்தது ஏன்? என்று மதுரை ஐகோர்ட்டு கேள்வி எழுப்பியுள்ளது.
4. நரிப்பள்ளி அணைக்கட்டில் ரூ.94 லட்சத்தில் குடிமராமத்து பணி
நரிப்பள்ளி அணைக்கட்டில் ரூ.94 லட்சம் மதிப்பில் குடிமராமத்து பணியை அமைச்சர் கே.பி.அன்பழகன் தொடங்கி வைத்தார்.
5. சாலைக்கிராமம் பெரியகண்மாய் குடிமராமத்து பணி அமைச்சர் பாஸ்கரன் தொடங்கி வைத்தார்
இளையான்குடி அருகே சாலைக்கிராமத்தில் உள்ள பெரிய கண்மாயில் குடிமராமத்து பணியை அமைச்சர் பாஸ்கரன் தொடங்கி வைத்தார்.