முக கவசம் அணியாமல் வருபவர்கள் மீது கடும் நடவடிக்கை ; போலீஸ் சூப்பிரண்டு ஜெயக்குமார் எச்சரிக்கை

விழுப்புரம்,

கொரோனா ஊரடங்கு காரணமாக கடந்த 2 மாதங்களுக்கு மேலாக வாகன போக்குவரத்து முற்றிலும் நிறுத்தப்பட்ட நிலையில் கடந்த 1-ந் தேதி முதல் பஸ், ரெயில் போக்குவரத்து தொடங்கப்பட்டுள்ளது. பொதுமக்களும் இயல்பு நிலைக்கு திரும்பியுள்ள நிலையில் தற்போது அத்தியாவசிய தேவைக்காக அதிகளவில் வெளியே வந்து செல்கின்றனர்.


அப்போது ஆட்டோவில் டிரைவர் மற்றும் 2 பேரும், ஷேர் ஆட்டோவில் டிரைவர் மற்றும் 3 பேரும் பயணம் செய்யலாம் என்று கட்டுப்பாடுகள் விதிக்கப்பட்டுள்ள நிலையில் விதிகளை மீறி அளவுக்கு அதிகமான பயணிகளை ஏற்றி வந்த 2 ஆட்டோக்கள், 2 ஷேர் ஆட்டோக்களை போலீசார் பறிமுதல் செய்ததோடு அதன் டிரைவர்களை கடுமையாக எச்சரித்து அவர்கள் மீது வழக்குப்பதிவு செய்தனர்.

பின்னர் இருசக்கர வாகனங்களில் வருபவர்கள் முக கவசம் அணிந்து வருகிறார்களா? என்பதை கண்காணித்தபோது முக கவசம் அணியாமலும், முக கவசத்திற்கு பதிலாக கர்சிப் அணிந்து கொண்டும் வந்த 76 வாகன ஓட்டிகளை நிறுத்தி அவர்கள் மீது வழக்குப்பதிவு செய்தனர்.