கடலூர் மாவட்டத்தில் பிளஸ்-1 விடைத்தாள் திருத்தும் பணி தொடக்கம்

கடலூர்,

பிளஸ்-1 அரசு பொதுத்தேர்வு கடந்த மார்ச் மாதம் நடைபெற்றது. இந்த தேர்வை கடலூர் மாவட்டத்தில் 108 தேர்வு மையங்களில் 30 ஆயிரத்திற்கும் மேற்பட்ட மாணவ-மாணவிகள் எழுதினர். இதற்கிடையில் கொரோனா பரவல் காரணமாக கடைசி தேர்வு ஒத்தி வைக்கப்பட்டது. அந்த தேர்வு வருகிற 16-ந்தேதி நடைபெற உள்ளது. இதற்கான ஏற்பாடுகளை மாவட்ட கல்வித்துறையினர் செய்து வருகின்றனர்.

இந்த நிலையில் ஏற்கனவே தேர்வு எழுதிய விடைத்தாள்களை திருத்தும் பணி நேற்று தொடங்கியது. இதற்காக கடலூர், சிதம்பரம், விருத்தாசலம் ஆகிய கல்வி மாவட்டங்களில் 8 மையங்கள் அமைக்கப்பட்டது.