<
மும்பை பெருநகர பகுதியில் கொரோனா பரவல் மோசமாக உள்ளது தேவேந்திர பட்னாவிஸ் பேட்டி
மும்பை பெருநகர எல்லைக்குட்பட்ட பகுதியில் கொரோனா பரவல் மோசமாக உள்ளது என்று எதிர்க்கட்சி தலைவர் தேவேந்திர பட்னாவிஸ் தெரிவித்துள்ளார்.
மும்பை,
மும்பை பெருநகர எல்லைக்குட்பட்ட பகுதியில் கொரோனா பரவல் மோசமாக உள்ளது என்று எதிர்க்கட்சி தலைவர் தேவேந்திர பட்னாவிஸ் தெரிவித்துள்ளார்.
பட்னாவிஸ் ஆய்வு
கொரோனா வைரசால் மோசமாக பாதிக்கப்பட்டுள்ள மராட்டியத்தில் தலைநகர் மும்பையை அடுத்து தானே மாவட்டத்தில் இந்த வைரசால் அதிகமானோர் பாதிக்கப்பட்டு உள்ளனர்.
இந்தநிலையில், பாரதீய ஜனதாவை சேர்ந்த முன்னாள் முதல்-மந்திரியும், தற்போதைய சட்டசபை எதிர்க்கட்சி தலைவருமான தேவேந்திர பட்னாவிஸ் தானே மாவட்டத்தின் தானே, நவிமும்பை, கல்யாண்-டோம்பிவிலி, மிராபயந்தர், உல்லாஸ்நகர், ராய்காட் மாவட்டத்தின் பன்வெல் ஆகிய இடங்களில் கடந்த 3 நாட்களாக சுற்றுப்பயணம் செய்து கொரோனா நிலைமை குறித்து ஆய்வு செய்தார்.
கொரோனா பரவல் மோசம்
பின்னர் இது தொடர்பாக அவர் நிருபர்களுக்கு பேட்டி அளித்தார். அப்போது அவர் கூறியதாவது:-
மும்பை பெருநகர எல்கைக்குட்பட்ட பகுதிகளில் கொரோனா பரவல் மோசமாக உள்ளது. இங்கு கொரோனா பரிசோதனைகள் அதிகரிக்கப்பட வேண்டும். பரிசோதனை செய்த ஒரு நாளில் முடிவை தெரிவிக்க வேண்டும். 3 நாள் சுற்றுப்பயணத்தின் போது, கொரோனா நிலைமை தொடர்பாக அறிந்தவற்றை முதல்-மந்திரி உத்தவ் தாக்கரேவிற்கு அறிக்கையாக சமர்ப்பிப்பேன்.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
