மாவட்ட செய்திகள்

தொடர் நடவடிக்கைகள் காரணமாக சென்னையில், கொரோனா தொற்றின் பாதிப்பு 18.2 சதவீதமாக குறைந்துள்ளதுஉள்ளாட்சித்துறை அமைச்சர் எஸ்.பி.வேலுமணி தகவல் + "||" + In Chennai, the prevalence of coronavirus declined by 18.2 percent

தொடர் நடவடிக்கைகள் காரணமாக சென்னையில், கொரோனா தொற்றின் பாதிப்பு 18.2 சதவீதமாக குறைந்துள்ளதுஉள்ளாட்சித்துறை அமைச்சர் எஸ்.பி.வேலுமணி தகவல்

தொடர் நடவடிக்கைகள் காரணமாக சென்னையில், கொரோனா தொற்றின் பாதிப்பு 18.2 சதவீதமாக குறைந்துள்ளதுஉள்ளாட்சித்துறை அமைச்சர் எஸ்.பி.வேலுமணி தகவல்
‘தமிழக முதல்-அமைச்சரின் தொடர் நடவடிக்கைகள் காரணமாக சென்னையில், கொரோனா தொற்றின் பாதிப்பு 18.2 சதவீதமாக குறைந்துள்ளது’ என உள்ளாட்சித்துறை அமைச்சர் எஸ்.பி.வேலுமணி தெரிவித்துள்ளார்.
சென்னை,

தமிழக நகர்ப்புற மற்றும் ஊரக உள்ளாட்சி அமைப்புகளின் சார்பில் கொரோனா வைரஸ் தொற்று தொடர்பாக மேற்கொள்ளப்பட்டு வரும் தடுப்பு, பாதுகாப்பு நடவடிக்கைகள் மற்றும் வளர்ச்சி பணிகள் தொடர்பான ஆலோசனைக் கூட்டம் உள்ளாட்சித்துறை அமைச்சர் எஸ்.பி.வேலுமணி தலைமையில் தலைமைச் செயலகத்தில் நடந்தது.


இந்த கூட்டத்தில் கூடுதல் தலைமை செயலாளர்கள் ஹன்ஸ்ராஜ் வர்மா, ஹர்மந்தர் சிங், மாநகராட்சி கமிஷனர் ஜி.பிரகாஷ், நகராட்சி நிர்வாக ஆணையர் கா.பாஸ்கரன், தமிழ்நாடு குடிநீர் வடிகால் வாரிய மேலாண்மை இயக்குனர் சி.என்.மகேஸ்வரன், ஊரக வளர்ச்சி மற்றும் ஊராட்சித் துறை இயக்குனர் கே.எஸ்.பழனிசாமி, பேரூராட்சிகளின் இயக்குனர் எஸ்.பழனிசாமி, தமிழ்நாடு மகளிர் மேம்பாட்டு நிறுவன மேலாண்மை இயக்குனர் ஜெ.யு.சந்திரகலா உள்பட அதிகாரிகள் கலந்துகொண்டனர்.

இந்த கூட்டத்தில் அமைச்சர் எஸ்.பி.வேலுமணி பேசியதாவது:-

பெருநகர சென்னை மாநகராட்சிக்குட்பட்ட பகுதிகளில், கொரோனா வைரஸ் தொற்று தடுப்பு மற்றும் பாதுகாப்பு தொடர்பாக பல்வேறு சிறப்பு நடவடிக்கைகள் மேற்கொள்ளப்பட்டு வருகின்றன. 12 ஆயிரம் பணியாளர்கள் மூலமாகவும் சென்னையில் உள்ள சுமார் 12 லட்சம் வீடுகளுக்கு தினமும் சென்று மக்களுக்கு காய்ச்சல், சளி, இருமல் பிரச்சினைகள் இருக்கிறதா? என கணக்கெடுப்பு நடத்தப்படுகிறது.

தமிழக முதல்-அமைச்சரின் தொடர் நடவடிக்கைகள் காரணமாக ஜூன் மாதத்தில் 24.2 சதவீதமாக இருந்த நோய்த்தொற்று, ஜூலை மாதத்தில் 18.2 சதவீதமாக குறைந்துள்ளது. குறிப்பாக கடந்த 7-ந்தேதி மட்டும் சென்னை மாநகராட்சிக்குட்பட்ட பகுதிகளில் 10 ஆயிரத்து 139 பேருக்கு கொரோனா பரிசோதனை மேற்கொள்ளப்பட்டு, அதில் 1,203 பேருக்கு தொற்று கண்டறியப்பட்டு உள்ளது. இது 11.87 சதவீதம் ஆகும். தமிழக முதல்-அமைச்சரின் பல்வேறு பாதுகாப்பு நடவடிக்கைகள் மற்றும் தொடர் கண்காணிப்பின் காரணமாக பெருநகர சென்னை மாநகராட்சிக்குட்பட்ட பகுதிகளில் தொற்று கட்டுப்படுத்தப்பட்டு வருகிறது.

இவ்வாறு அவர் பேசினார்.

அதனைத்தொடர்ந்து பெருநகர சென்னை மாநகராட்சி, நகராட்சி நிர்வாக ஆணையரகம், ஊரக வளர்ச்சித்துறை, சென்னை குடிநீர் வாரியம், தமிழ்நாடு குடிநீர் வாரியம் சார்பில் மேற்கொள்ளப்பட்டு வரும் திட்டப்பணிகள் குறித்து கேட்டறிந்ததுடன், அப்பணிகளை விரைவாக முடிக்கவும் அதிகாரிகளுக்கு அமைச்சர் எஸ்.பி. வேலுமணி உத்தரவிட்டார்.

மேற்கண்ட தகவல் பெருநகர சென்னை மாநகராட்சி வெளியிட்டுள்ள செய்திக்குறிப்பில் குறிப்பிடப்பட்டு உள்ளது.

தொடர்புடைய செய்திகள்

1. சென்னையில் கொரோனா தொற்று தடுப்பு நடவடிக்கைகள் தொடர்பான ஆலோசனை கூட்டம்
சென்னையில் கொரோனா தொற்று தடுப்பு நடவடிக்கைகள் தொடர்பான ஆலோசனை கூட்டம் மாநகராட்சி கமிஷனர் தலைமையில் நடந்தது.
2. சென்னையில் கருப்பு பூஞ்சை நோய்க்கான மருந்து கள்ளச்சந்தையில் அதிக விலைக்கு விற்பனை 9 பேர் அதிரடி கைது
கருப்பு பூஞ்சை நோய்க்கான மருந்தை சென்னையில் கள்ளச்சந்தையில் அதிக விலைக்கு விற்ற 9 பேர் கைது செய்யப்பட்டனர்.
3. சென்னையில், இன்று முதல் நேரு ஸ்டேடியத்தில் ‘ரெம்டெசிவிர்’ மருந்து விற்பனை
கொரோனா தொற்றால் பாதிக்கப்பட்ட நோயாளிகளுக்கு, ‘ரெம்டெசிவிர்’ மருந்தை டாக்டர்கள் பரிந்துரைத்து வருகின்றனர்.
4. முழு ஊரடங்கையொட்டி சென்னையில் 200 மின்சார ரெயில் சேவை குறைப்பு
முழு ஊரடங்கையொட்டி சென்னையில் மின்சார ரெயில் சேவையை குறைக்க வாய்ப்பு உள்ளதாக அதிகாரிகள் தெரிவித்துள்ளனர்.
5. முழு ஊரடங்கு காரணமாக சென்னையில் மெட்ரோ ரெயில் சேவை ரத்து
சென்னையில் மெட்ரோ ரெயில் சேவையும் தற்காலிகமாக ரத்து செய்யப்படுவதாக சென்னை மெட்ரோ ரெயில் நிறுவனம் அறிவித்துள்ளது.