அரசு சார்பில் உதவித்தொகை வழங்கக்கோரி தனியார் பள்ளி ஆசிரியர்கள் உண்ணாவிரதம்

அனுப்பர்பாளையம்,


இந்த போராட்டத்தை சங்க தலைவர் திருப்பூர் தண்ணீர்பந்தல் காலனி பழனிச்சாமி தலைமை தாங்கி, தொடங்கி வைத்தார். செயலாளர் கொழுமம் சின்னசாமி, பொருளாளர் கணியூர் சதாசிவம் ஆகியோர் முன்னிலை வகித்தனர்.

இதில் ஊரங்கு உத்தரவால் பாதிக்கப்பட்டுள்ள தனியார் பள்ளி ஆசிரிய ஆசிரியைகள் மற்றும் ஆசிரியரல்லாத ஊழியர்கள் அனைவருக்கும் கொரோனா காலம் முழுவதும் மாதத்திற்கு தமிழக அரசு ரூ.10 ஆயிரம் உதவித்தொகை வழங்க வேண்டும். பள்ளிகளில் மாணவர் சேர்க்கை நடத்தவும், நிலுவையில் உள்ள கல்வி கட்டணத்தை வசூல் செய்வதற்கும் அரசு உடனடியாக அனுமதி வழங்க வேண்டும். முறையான அங்கீகாரத்துடன் 10 ஆண்டுகள் தொடர்ந்து செயல்படும் தனியார் பள்ளிகளுக்கு அரசு நிரந்தர அங்கீகாரம் வழங்க வேண்டும் உள்பட பல்வேறு கோரிக்கைகள் வலியுறுத்தப்பட்டன.

திருப்பூரில் ஆஷர் நகர் வித்யா மந்திர் மெட்ரிக் மேல்நிலைப்பள்ளி உள்பட மாவட்டம் முழுவதும் 400 பள்ளிகளில் நடைபெற்ற உண்ணாவிரத போராட்டத்தில் ஆசிரிய, ஆசிரியர்கள் மற்றும் ஆசிரியரல்லாத ஊழியர்கள் என 15 ஆயிரம் பேர் முககவசம் அணிந்தும், சமூக இடைவெளியை கடைபிடித்தும் கலந்து கொண்டனர்.