கொரோனா பரவல் தடுப்பு நடவடிக்கை: கட்டுப்பாடுகளை மீறுபவர்கள் மீது கடும் நடவடிக்கை

ஊட்டி,


தமிழக அரசு அறிவித்துள்ள ஊரடங்கு காரணமாக வெளிமாவட்டங்களில் இருந்து நீலகிரி மாவட்டத்திற்கு வருகை புரிவோர் எண்ணிக்கை கட்டுப்படுத்தப்பட்டு உள்ளது. மிகவும் அத்தியாவசியமான தேவைகளுக்கு மட்டுமே இ பாஸ் தரப்படுவதால், நோய்த் தொற்று பரவாமல் தடுக்கப்படுகிறது. மேலும் அவ்வாறு வருபவர்களுக்கு சளி, காய்ச்சல், இருமல் போன்ற அறிகுறி இருந்தால் சோதனைச் சாவடிகளில் சுகாதார குழுக்கள் மூலம் உடனடியாக சளி மாதிரிகள் சேகரிக்கப்பட்டு, ஆய்வுக்கு அனுப்பப்பட்டு நோய்த்தொற்று உறுதியானால் மருத்துவ சிகிச்சைக்கு அனுப்பி வைக்கப்படுவார்கள்.