மாவட்ட செய்திகள்

திருக்குறுங்குடி திருமலைநம்பி கோவிலில் உறியடி திருவிழா திரளான பக்தர்கள் பங்கேற்பு + "||" + Devotees participate in the Uriyadi festival at the Thirukurungudi Thirumalai Nambi temple

திருக்குறுங்குடி திருமலைநம்பி கோவிலில் உறியடி திருவிழா திரளான பக்தர்கள் பங்கேற்பு

திருக்குறுங்குடி திருமலைநம்பி கோவிலில் உறியடி திருவிழா திரளான பக்தர்கள் பங்கேற்பு
திருக்குறுங்குடி திருமலைநம்பி கோவிலில் நேற்று உறியடி திருவிழா நடந்தது. விழாவில் திரளான பக்தர்கள் கலந்துகொண்டனர்.
ஏர்வாடி,

நெல்லை மாவட்டம் ஏர்வாடி அருகே திருக்குறுங்குடி மேற்கு தொடர்ச்சி மலையில் திருமலைநம்பி கோவில் அமைந்துள்ளது. ஆழ்வார்களால் பாடப்பெற்ற சிறப்பு வாய்ந்த இந்த கோவிலில் ஆண்டுதோறும் ஆவணி மாதம் கடைசி சனிக்கிழமையன்று உறியடி திருவிழா நடத்தப்படுவது வழக்கம். அதன்படி நேற்று உறியடி திருவிழா கோலாகலத்துடன் நடந்தது. இதையொட்டி நம்பி சுவாமிகளுக்கு சிறப்பு திருமஞ்சனம் நடத்தப்பட்டது. அதனைதொடர்ந்து நெல்லை தச்சநல்லூர் கண்ணன் சேவா சங்கத்தின் சார்பில் உறியடி உற்சவம் தொடங்கியது. கோவில் சன்னதியில் இருந்து பாடல்கள் பாடி வந்த பக்தர்கள் பக்தி கோஷம் முழங்க உறியடித்தனர். இதனை ஏராளமான பக்தர்கள் கண்டு களித்தனர்.


பக்தர்களுக்கு பரிசோதனை

முன்னதாக திரளான பக்தர்கள் நீண்ட வரிசையில் நின்று சுவாமி தரிசனம் செய்தனர். சிறப்பு அலங்கார தீபாராதனைகளுக்கு பின்னர் நம்பிசுவாமிகள் கருட வாகனத்தில் எழுந்தருளி காட்சி கொடுத்தார். தற்போது கொரோனா பரவலை தடுக்க தளர்வுகளுடன் கூடிய ஊரடங்கு அமலில் உள்ளது. இதனால் அரசின் விதிமுறைகளை பின்பற்றி உறியடி திருவிழா நடத்தப்பட்டது.

கோவிலுக்கு வந்த பக்தர்களுக்கும் கட்டுப்பாடுகள் விதிக்கப்பட்டிருந்தது. வனத்துறை சோதனை சாவடியில் தெர்மல் ஸ்கேனர் மூலம் பக்தர்களுக்கு உடல் வெப்பநிலை பரிசோதனை நடத்தப்பட்டு, கைகளில் சானிடைசர் வழங்கப்பட்ட பின்னரே அனுமதிக்கப்பட்டனர். இதேபோல் கோவிலில் அர்ச்சனை செய்யவும், பிரசாதங்கள் வழங்கவும், அன்னதானம் வழங்கவும் தடை விதிக்கப்பட்டிருந்தது. களக்காடு புலிகள் காப்பக துணை இயக்குனர் இளங்கோ உத்தரவின்படி, வனசரகர் பாலாஜி தலைமையில் வனத்துறை ஊழியர்களும், திருக்குறுங்குடி போலீசாரும் பாதுகாப்பு பணியில் ஈடுபட்டனர்.

தொடர்புடைய செய்திகள்

1. கொடுமுடி, பவானி கூடுதுறையில் அமாவாசையையொட்டி திதி கொடுக்க தடையால் பக்தர்கள் ஏமாற்றம்
கொடுமுடி, பவானி கூடுதுறையில் அமாவாசையையொட்டி திதி கொடுக்க தடையால் பக்தர்கள் ஏமாற்றம் அடைந்தனர்.
2. அமாவாசையையொட்டி கோவில்களில் சிறப்பு வழிபாடு ஏராளமான பக்தர்கள் தரிசனம்
அமாவாசையையொட்டி கோவில்களில் சிறப்பு வழிபாடு நடந்தது. இதில் ஏராளமான பக்தர்கள் கலந்து கொண்டு தரிசனம் செய்தனர்.
3. புரட்டாசி மாத கடைசி சனிக்கிழமை: பெருமாள் கோவில்களில் சிறப்பு வழிபாடு திரளான பக்தர்கள் தரிசனம்
புரட்டாசி மாத கடைசி சனிக்கிழமையையொட்டி பெருமாள் கோவில்களில் சிறப்பு வழிபாடு நடந்தது. இதில் திரளான பக்தர்கள் சாமியை தரிசனம் செய்தனர்.
4. ரூ.13½ லட்சத்தில் கண்காணிப்பு கேமராக்கள் தொடக்க விழா நிகழ்ச்சி மாவட்ட போலீஸ் சூப்பிரண்டு பங்கேற்பு
ரூ.13½ லட்சத்தில் கண்காணிப்பு கேமராக்கள் தொடக்க விழா நிகழ்ச்சி மாவட்ட போலீஸ் சூப்பிரண்டு பங்கேற்பு.
5. 152-வது பிறந்தநாள்: மெரினாவில் உள்ள காந்தி சிலைக்கு கவர்னர் மலர்தூவி மரியாதை; எடப்பாடி பழனிசாமி, ஓ.பன்னீர்செல்வம் பங்கேற்பு
காந்தியின் 152-வது பிறந்தநாளையொட்டி சென்னை மெரினாவில் உள்ள அவருடைய சிலைக்கு அருகில் பூக்களால் அலங்கரித்து வைக்கப்பட்டு இருந்த உருவப்படத்துக்கு தமிழக கவர்னர் பன்வாரிலால் புரோகித், முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர்செல்வம் ஆகியோர் மலர்தூவி மரியாதை செய்தனர்.