மாவட்ட செய்திகள்

பாதாள சாக்கடை அடைப்பால் சாலையில் தேங்கும் கழிவுநீர் வரகனேரி அருகே பொதுமக்கள் மறியல்; போக்குவரத்து பாதிப்பு + "||" + Public protest near Varakaneri on the road due to sewer blockage; Traffic damage

பாதாள சாக்கடை அடைப்பால் சாலையில் தேங்கும் கழிவுநீர் வரகனேரி அருகே பொதுமக்கள் மறியல்; போக்குவரத்து பாதிப்பு

பாதாள சாக்கடை அடைப்பால் சாலையில் தேங்கும் கழிவுநீர் வரகனேரி அருகே பொதுமக்கள் மறியல்; போக்குவரத்து பாதிப்பு
திருச்சி வரகனேரி அருகே சாலையில் தேங்கும் கழிவுநீரால் பொதுமக்கள் அவதி அடைந்து வருகிறார்கள். அதை சீரமைக்க கோரி பொதுமக்கள் நேற்று மறியலில் ஈடுபட்டனர். இதனால் அந்த பகுதியில் போக்குவரத்து பாதிக்கப்பட்டது.
திருச்சி,

திருச்சி- தஞ்சாவூர் சாலையில் வரகனேரி அருகே பாதாள சாக்கடையில் இருந்து வெளியேறும் கழிவுநீர் அந்த பகுதியில் தேங்கி பெரும் பிரச்சினையை ஏற்படுத்தி வருகிறது. மெயின்ரோட்டில் இவ்வாறு தேங்கும் சாக்கடை நீரால் அந்த சாலையில் செல்பவர்கள் மிகவும் அவதிப்பட்டு வருகிறார்கள்.


தொற்றுநோய் பரவும் அபாயமும் ஏற்பட்டுள்ளது. மேலும் திறந்தவெளி சாக்கடையில் சிலர் விழுந்து காயம் அடைந்து உள்ளனர். இது தொடர்பாக அந்த பகுதியை சேர்ந்த பொதுமக்கள் மாநகராட்சி மற்றும் நெடுஞ்சாலைத் துறை அதிகாரிகளிடம் பலமுறை மனு கொடுத்தும் சாக்கடை அடைப்பு சீரமைக்கப்படவில்லை.

சாலைமறியல்

இதனை கண்டித்து நேற்று இரவு 7 மணி அளவில் வெல்பேர் கட்சி தலைவர் ஜமால் முகமது தலைமையில் செயலாளர் அப்பாஸ் மந்திரி, வியாபாரிகள் சங்க தலைவர் கமலக்கண்ணன் மற்றும் அப்பகுதி பொதுமக்கள் திரண்டு வந்து சாலை மறியல் போராட்டம் நடத்தினார்கள். இந்த திடீர் சாலை மறியல் போராட்டத்தால் திருச்சி- தஞ்சாவூர் சாலையில் சுமார் 30 நிமிட நேரம் போக்குவரத்து பாதிக்கப்பட்டது.

இதுபற்றிய தகவல் அறிந்ததும் கோட்டை சரக உதவி போலீஸ் கமிஷனர் ரவி அபிராம் மற்றும் காந்தி மார்க்கெட் போலீசார் அங்கு விரைந்து வந்து சாலை மறியல் செய்தவர்களிடம் பேச்சுவார்த்தை நடத்தினர். இதனை தொடர்ந்து அவர்கள் மறியல் போராட்டத்தை கைவிட்டாலும் தொடர்ந்து அந்த பகுதியில் நின்று கொண்டு நெடுஞ்சாலைத்துறை அதிகாரிகள் இங்கு வந்து சாக்கடை பிரச்சினையை தீர்த்து வைப்போம் என உறுதி அளித்தால்தான் போராட்டத்தை கைவிடுவோம் என்று கோஷம் போட்டுக் கொண்டே இருந்தனர். இதனால் அந்த பகுதியில் பெரும் பரபரப்பு ஏற்பட்டது.

தொடர்புடைய செய்திகள்

1. செங்கல்பட்டு மாவட்டத்தில் கொரோனா தொற்றால் ஒரே நாளில் 191 பேர் பாதிப்பு 4 பேர் பலி
செங்கல்பட்டு மாவட்டத்தில் கொரோனா தொற்றால் ஒரே நாளில் 191 பேர் பாதிப்புக்குள்ளானார்கள். 4 பேர் பலியானார்கள்.
2. தமிழகத்தில் ஒரே நாளில் 3,094 பேருக்கு கொரோனா தொற்று 9-வது நாளாக பாதிப்பு குறைந்தது
தமிழகத்தில் நேற்று ஒரே நாளில் 3,094 பேருக்கு கொரோனா தொற்று கண்டறியப்பட்டுள்ளது. தொடர்ந்து 9-வது நாளாக கொரோனா பாதித்தோர் எண்ணிக்கை குறைந்து வருகிறது.
3. மாகியில் கொரோனா உயிரிழப்பு 5 ஆக உயர்வு
மாகி பிராந்தியத்தில் கொரோனாவினால் உயிரிழந்தவர்களின் எண்ணிக்கை 5 ஆக உயர்ந்துள்ளது.
4. கர்நாடகத்தில் புதிதாக 6,297 பேருக்கு கொரோனா மேலும் 66 பேர் சாவு
கர்நாடகத்தில் புதிதாக 6,297 பேருக்கு கொரோனா பாதிப்பு ஏற்பட்டு உள்ளது. வைரஸ் தொற்றுக்கு மேலும் 66 பேர் இறந்துள்ளனர்.
5. மராட்டியத்தில் மேலும் 8 ஆயிரத்து 151 பேருக்கு கொரோனா புனே நகரில் புதிதாக 334 பேர் மட்டுமே பாதிப்பு
மராட்டியத்தில் புதிதாக 8 ஆயிரத்து 151 பேருக்கு கொரோனா பாதிப்பு கண்டறியப்பட்டுள்ளது. புனே மாநகராட்சி பகுதியில் மேலும் 334 பேர் மட்டுமே பாதிப்பு அடைந்துள்ளனர்.