மாவட்ட செய்திகள்

காண்டிராக்டரை கொலை செய்ய தூண்டிய பிரபல ரவுடி கைது + "||" + Celebrity rowdy arrested for inciting contractor to murder

காண்டிராக்டரை கொலை செய்ய தூண்டிய பிரபல ரவுடி கைது

காண்டிராக்டரை கொலை செய்ய தூண்டிய பிரபல ரவுடி கைது
புதுவை காண்டிராக்டரை கொலை செய்ய தூண்டிய பிரபல ரவுடி கைது செய்யப்பட்டார். அவரது கூட்டாளிகள் 5 பேர் சிறையில் அடைக்கப்பட்டனர்.
புதுச்சேரி,

புதுச்சேரி மேட்டுப்பாளையத்தை அடுத்த தர்மாபுரியை சேர்ந்தவர் ஜீவா என்கிற இருசப்பன்(வயது 42). மேட்டுப்பாளையம் தொழிற்பேட்டையில் உள்ள தொழிற்சாலைகளுக்கு ஒப்பந்த அடிப்படையில் ஆட்களை அனுப்பும் லேபர் காண்டிராக்டர் தொழில் செய்து வந்தார். இவருக்கு கல்பனாதேவி(38) என்ற மனைவியும், 2 மகள்களும் உள்ளனர். கடந்த 14-ந் தேதி மேட்டுப்பாளையம் மின்துறை அலுவலகம் அருகே மோட்டார் சைக்கிளில் சென்று கொண்டு இருந்தபோது ஜீவாவை மர்ம கும்பல் சுற்றி வளைத்து வெட்டிக்கொலை செய்தது.


இதுகுறித்து மேட்டுப் பாளையம் போலீஸ் சப்-இன்ஸ்பெக்டர் பிரியா தலைமையில் போலீசார் வழக்குப்பதிவு செய்து விசாரித்தனர். இதில், காந்திதிருநல்லூர் பகுதியை சேர்ந்த பிரபல ரவுடி அய்யப்பன், அவரது கூட்டாளிகளான ரவுடிகள் மாமூல் கேட்டு தர மறுத்த தகராறில் ஜீவா கொலை செய்யப்பட்டது தெரியவந்தது.

ரவுடி கைது

இதுதொடர்பாக அய்யப்பனின் கூட்டாளிகளான ஜீவா, ஜோசப், ஆகாஷ், சசிக்குமார், வாணரப்பேட்டை முருகன் ஆகியோரை போலீசார் கைது செய்தனர். கொரோனா பரிசோதனை நடத்தியதில் தொற்று இல்லாதது தெரியவந்ததையடுத்து அவர்களை நேற்று நீதிமன்றத்தில் ஆஜர்படுத்தி காலாப்பட்டு சிறையில் அடைத்தனர்.

இந்தநிலையில் ஜீவாவை கொலை செய்ய தூண்டியதாக ரவுடி அய்யப்பனை நேற்று போலீசார் கைது செய்தனர். அவருக்கு கொரோனா பரிசோதனை நடத்தப்பட்டது. அதன் முடிவு வந்ததும் அவரை சிறையில் அடைக்க போலீசார் திட்டமிட்டுள்ளனர்.

தொடர்புடைய செய்திகள்

1. திருமக்கோட்டை அருகே கல்லூரி மாணவியை தாக்கி நகை பறிப்பு உறவினர் கைது
திருமக்கோட்டை அருகே கல்லூரி மாணவியை தாக்கி நகை பறித்த உறவினரை போலீசார் கைது செய்தனர்.
2. தடையில்லா சான்றிதழ் வழங்க விவசாயியிடம் ரூ.5 ஆயிரம் லஞ்சம் வாங்கிய என்ஜினீயர் கைது
அறந்தாங்கி அருகே தடையில்லா சான்றிதழ் வழங்க விவசாயியிடம் ரூ.5 ஆயிரம் லஞ்சம் வாங்கிய என்ஜினீயரை லஞ்ச ஒழிப்பு போலீசார் கைது செய்தனர்.
3. தூத்துக்குடியில் பா.ஜனதாவினர் ஆர்ப்பாட்டம் 161 பேர் கைது
தூத்துக்குடியில் ஆர்ப்பாட்டம் நடத்திய பா.ஜனதா கட்சியினர் 161 பேர் கைது செய்யப்பட்டனர்.
4. மாமியாரை கொன்ற மருமகள் கள்ளக்காதலனுடன் கைது
மாமியாரை கல்லால் தாக்கி கொன்ற பெண் மற்றும் அவரது கள்ளக்காதலனை போலீசார் கைது செய்தனர்.
5. “அறவழியில் போராட வந்தவர்கள் கைது” - பா.ஜ.க மாநில தலைவர் எல்.முருகன் கண்டனம்
அறவழியில் போராட வந்தவர்கள் கைது செய்யப்பட்டுள்ளது கண்டனத்திற்குரியது பா.ஜ.க மாநில தலைவர் எல்.முருகன் தெரிவித்துள்ளார்.