மாவட்ட செய்திகள்

சென்டிரல் ரெயில் நிலையம் எதிரே சுரங்கப்பாதை பள்ளத்தில் கன்டெய்னர் லாரி கவிழ்ந்தது போக்குவரத்து பாதிப்பு + "||" + Container truck overturns in tunnel opposite Central Railway Station

சென்டிரல் ரெயில் நிலையம் எதிரே சுரங்கப்பாதை பள்ளத்தில் கன்டெய்னர் லாரி கவிழ்ந்தது போக்குவரத்து பாதிப்பு

சென்டிரல் ரெயில் நிலையம் எதிரே சுரங்கப்பாதை பள்ளத்தில் கன்டெய்னர் லாரி கவிழ்ந்தது போக்குவரத்து பாதிப்பு
சென்டிரல் ரெயில் நிலையம் எதிரே சுரங்கப்பாதை பள்ளத்தில் கன்டெய்னர் லாரி கவிழ்ந்தது. இதனால் பூந்தமல்லி நெடுஞ்சாலையில் போக்குவரத்து பாதிப்பு ஏற்பட்டது.
பெரம்பூர், 

சென்னை சென்டிரல் ரெயில் நிலையம் எதிரே பூங்காநகர் மின்சார ரெயில் நிலையம், ராஜீவ்காந்தி அரசு ஆஸ்பத்திரி மற்றும் சென்டிரல் ரெயில் நிலையம் ஆகியவற்றை இணைக்கும் வகையில் ரெயில்வே சுரங்கப்பாதை அமைக்கும் பணி நடைபெற்று வருகிறது.

இதற்காக பிராட்வே-பூந்தமல்லி நெடுஞ்சாலையில் பள்ளம் தோண்டி அதன்மேல் பகுதியில் இரும்பு தகடுகள் போடப்பட்டு கீழே சுரங்கப்பாதை பணிகள் நடைபெற்று வருகிறது. மேலே போக்குவரத்தும் தங்கு தடையின்றி நடந்து வருகிறது. பஸ், கார் உள்ளிட்ட வாகனங்கள் இந்த இரும்பு தகடுகள் வழியாக தினமும் சென்று வருகின்றன.

கன்டெய்னர் லாரி கவிழ்ந்தது

இந்த நிலையில் நேற்று முன்தினம் நள்ளிரவில் சென்னை துறைமுகத்தில் இருந்து பூந்தமல்லியை அடுத்த வேலப்பன்சாவடிக்கு கன்டெய்னர் லாரி ஒன்று 7 இரும்பு சுருள்களை (ஒவ்வொன்றும் 11 டன்) ஏற்றிக்கொண்டு சென்றது. லாரியை தஞ்சாவூர் மாவட்டம் திருவிடைமருதூர் ஆனையாமலையைச் சேர்ந்த சசிகுமார் (வயது 43) என்பவர் ஓட்டினார்.

சென்டிரல் ரெயில் நிலையம் எதிரே பூந்தமல்லி நெடுஞ்சாலையில் சுரங்கப்பாதை பணிக்காக போடப்பட்டு இருந்த இரும்பு தகடுகள் வழியாக லாரி ஏறிச்சென்றது. அப்போது இரும்பு சுருளுடன் 90 டன் மொத்த எடைகொண்ட கன்டெய்னர் லாரியின் பாரம் தாங்காமல் இரும்பு தகடுகள் பள்ளத்தில் இறங்கியதால் சுரங்கப்பாதைக்கு தோண்டிய பள்ளத்தில் கன்டெய்னர் லாரி கவிழ்ந்தது.

லாரியின் பின்பக்க சக்கரங்கள், அதில் இருந்த இரும்பு சுருள்கள் சுரங்கப்பாதைக்கு தோண்டிய பள்ளத்தில் விழுந்து கிடந்தது. லாரியின் முன்பகுதி அந்தரத்தில் தூக்கியபடி நின்றது. ஆயுதபூஜை விடுமுறை என்பதால் சுரங்கப்பாதை பணியில் தொழிலாளர்கள் யாரும் ஈடுபடவில்லை. இதனால் பெரும் உயிர் சேதம் தவிர்க்கப்பட்டது.

போக்குவரத்து பாதிப்பு

இந்த விபத்து காரணமாக பூந்தமல்லி நெடுஞ்சாலையில் போக்குவரத்து பாதிக்கப்பட்டது. இதுபற்றி தகவல் அறிந்துவந்த பூக்கடை போக்குவரத்து போலீசார், சாலையின் இருபுறமும் இரும்பு தடுப்புகள் அமைத்து வாகனங்களை மாற்றுப்பாதையில் திருப்பி விட்டனர்.

பின்னர் ராட்சத கிரேன்கள் வரவழைக்கப்பட்டு அதன் உதவியுடன் விடிய விடிய போராடி சுரங்கப்பாதை பள்ளத்தில் கவிழ்ந்து கிடந்த கன்டெய்னர் லாரி மற்றும் இரும்பு சுருள்களை அப்புறப்படுத்தினர்.

இதையடுத்து சேதமடைந்த பகுதி சீரமைக்கப்பட்டு மீண்டும் அந்த பகுதியில் இரும்பு தகடுகள் அமைக்கப்பட்டு போக்குவரத்து மீண்டும் தொடங்கியது. இதுகுறித்து யானைக்கவுனி போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.

தொடர்புடைய செய்திகள்

1. அரியலூரில் 2 பேருக்கு மட்டுமே கொரோனா தொற்று பெரம்பலூரில் ஒருவருக்கும் பாதிப்பு இல்லை
அரியலூரில் 2 பேருக்கு மட்டுமே புதிதாக கொரோனா தொற்று ஏற்பட்டுள்ளது. பெரம்பலூரில் யாருக்கும் பாதிப்பு இல்லை.
2. அரவக்குறிச்சி பகுதியில் பலத்த மழை: முருங்கை விற்பனை பாதிப்பு
அரவக்குறிச்சி மற்றும் அதன் சுற்றுவட்டார பகுதிகளில் விவசாயிகள் பெரும்பாலும் அதிக அளவு முருங்கை பயிரிட்டு இருந்தனர்.
3. வங்கி ஊழியர்கள் வேலை நிறுத்தம்: ரூ.400 கோடிக்கு பணபரிவர்த்தனை பாதிப்பு
நாமக்கல் மாவட்டத்தில் நேற்று வங்கி ஊழியர்களின் வேலைநிறுத்த போராட்டம் காரணமாக சுமார் ரூ.400 கோடி அளவுக்கு பணபரிவர்த்தனை பாதிக்கப்பட்டதாக வங்கி ஊழியர்கள் சங்கத்தின் நிர்வாகி கூறினார்.
4. 8 மாதங்களுக்கு பிறகு சுற்றுலா பயணிகள் மகிழ்ச்சி: கன்னியாகுமரி விவேகானந்தர் மண்டபத்துக்கு படகு போக்குவரத்து தொடங்கியது
8 மாதங்களுக்கு பிறகு சுற்றுலா பயணிகள் மகிழ்ச்சி அடையும் வகையில் கன்னியாகுமரி விவேகானந்தர் மண்டபத்துக்கு படகு போக்குவரத்து தொடங்கியது. இதனை தமிழக அரசின் டெல்லி சிறப்பு பிரதிநிதி தளவாய்சுந்தரம் கொடி அசைத்து தொடங்கி வைத்தார்.
5. திருப்பூர் மாவட்டத்தில் கொரோனாவுக்கு சிகிச்சை பெற்ற 72 பேர் குணமடைந்தனர் மேலும் 58 பேருக்கு பாதிப்பு
திருப்பூர் மாவட்டத்தில் கொரோனாவுக்கு சிகிச்சை பெற்று வந்த 72 பேர் குணமடைந்தனர். மேலும், நேற்று 58 பேருக்கு புதியதாக கொரோனா தொற்று உறுதி செய்யப்பட்டது.