மாவட்ட செய்திகள்

சொத்துக்களை அபகரித்து கொண்டு வயதான தாயை வீட்டைவிட்டு விரட்டிய அரசு ஊழியர்கள் + "||" + Government employees who looted property and chased an elderly mother out of the house

சொத்துக்களை அபகரித்து கொண்டு வயதான தாயை வீட்டைவிட்டு விரட்டிய அரசு ஊழியர்கள்

சொத்துக்களை அபகரித்து கொண்டு வயதான தாயை வீட்டைவிட்டு விரட்டிய அரசு ஊழியர்கள்
சொத்துக்களை அபகரித்துக் கொண்டு வயதான தாயை மகன்களாகிய அரசு ஊழியர்கள் வீட்டைவிட்டு விரட்டிய சம்பவம் நடந்துள்ளது. அந்த மூதாட்டியை போலீசார் மீட்டு அனாதை இல்லத்தில் சேர்த்தனர்.
ராய்ச்சூர், 

ராய்ச்சூர் மாவட்டம் சிந்தனூரில் ஆதரவற்றோர் இல்லம் ஒன்று செயல்பட்டு வருகிறது. அந்த இல்லத்திற்கு கடந்த 7 மாதங்களுக்கு முன்பு 70 வயது மதிக்கத்தக்க ஒரு மூதாட்டியை போலீசார் அழைத்து வந்தனர். அப்போது அந்த மூதாட்டி தனக்கு யாரும் இல்லை என்றும், தான் ஒரு அனாதை என்றும் கூறினார். அவரைப் பார்த்து பரிதாபம் அடைந்த இல்ல நிர்வாகிகள் உடனே அவரை இல்லத்தில் சேர்த்துக் கொண்டனர். அவருக்கு தேவையான அனைத்து வசதிகளையும் அதிகாரிகள் செய்து கொடுத்தனர்.

தற்போது அந்த மூதாட்டி ஆதரவற்றோர் இல்லத்தில் மகிழ்ச்சியாக இருந்து வருகிறார். இந்த நிலையில் போலீசார் அந்த மூதாட்டி குறித்து நடத்திய விசாரணையில் பல திடுக்கிடும் தகவல்கள் தெரியவந்துள்ளன. அதாவது அந்த மூதாட்டியின் பெயர் சாவித்திரியம்மா. அவரது சொந்த ஊர் பாகல்கோட்டை மாவட்டம் ஆகும். அவருக்கு 6 பிள்ளைகள் உள்ளனர். அதில் 4 பேர் அரசு வேலையில் உள்ளனர். மேலும் அந்த மூதாட்டியின் பேரக்குழந்தைகளும் வெளிநாட்டில் வசித்து வருகிறார்கள்.

வீட்டைவிட்டு விரட்டினர்

இந்த நிலையில் மூதாட்டியின் பெயரில் உள்ள சொத்துக்களை பகிர்ந்து கொடுக்கும்படி அவரது மகன்களும், மகள்களும் தொல்லை கொடுத்து வந்துள்ளனர். அதையடுத்து தன் பெயரில் இருந்த அனைத்து சொத்துக்களை தனது மகன்கள் மற்றும் மகள்களுக்கு சாவித்திரியம்மா பகிர்ந்து கொடுத்துள்ளார். தன் வங்கி கணக்கில் இருந்த பணத்தையும் எடுத்து அவர்களுக்கு பகிர்ந்து கொடுத்துள்ளார். சொத்துக்களையும், பணத்தையும் அபகரித்துக் கொண்ட மகன்களும், மகள்களும் தங்களது தாயை கண்டு கொள்ளாமல் வீட்டைவிட்டு விரட்டிவிட்டது போலீசாரின் விசாரணையில் தெரியவந்தது.

மேலும் வீட்டைவிட்டு விரட்டப்பட்ட மூதாட்டி சாவித்திரியம்மா உப்பள்ளிக்கு வந்து பஸ் நிலையம், ரெயில் நிலையங்களில் படுத்து தூங்கி உள்ளார். அப்போதுதான் அவரை போலீசார் மீட்டுள்ளனர் என்பதும் தெரியவந்தது. இதையடுத்து அந்த மூதாட்டியின் மகன்கள் மற்றும் மகள்களை நேரில் அழைத்து விசாரணை நடத்த போலீசார் திட்டமிட்டுள்ளனர்.

தொடர்புடைய செய்திகள்

1. கொரோனா பரவலை தடுப்பதற்காக தமிழகத்தில் மார்ச் 31-ந் தேதி வரை ஊரடங்கு நீட்டிப்பு தமிழக அரசு உத்தரவு
தமிழகத்தில் கொரோனா பரவலை தடுப்பதற்காக மார்ச் 31-ந் தேதி வரை ஊரடங்கு உத்தரவை நீட்டித்து தமிழக அரசு உத்தரவு பிறப்பித்து உள்ளது.
2. கொரோனா தடுப்பூசி போடும்படி அதிகாரிகள் மிரட்டல்: கலெக்டர் அலுவலகத்தில் புகார் அளிக்க குவிந்த அங்கன்வாடி ஊழியர்கள்
கொரோனா தடுப்பூசி போடும்படி அதிகாரிகள் மிரட்டல்: கலெக்டர் அலுவலகத்தில் புகார் அளிக்க குவிந்த அங்கன்வாடி ஊழியர்கள்.
3. அமைச்சர் வேலுமணிக்கு எதிரான புகார் லோக் ஆயுக்தா விசாரணைக்கு பரிந்துரை ஐகோர்ட்டில் தமிழக அரசு தகவல்
தெரு விளக்குகளை, எல்.இ.டி. விளக்குகளாக மாற்றும் திட்டத்தில் முறைகேடு நடந்துள்ளதாக அமைச்சர் வேலுமணிக்கு எதிரான புகாரை, லோக் ஆயுக்தா விசாரணைக்கு பரிந்துரைத்துள்ளதாக ஐகோர்ட்டில் அட்வகேட் ஜெனரல் கூறினார்.
4. கரூரில் 3-வது நாளாக அரசு ஊழியர் சங்கத்தினர் சிறை நிரப்பும் போராட்டம்
கரூரில் 3-வது நாளாக அரசு ஊழியர் சங்கத்தினர் சிறை நிரப்பும் போராட்டத்தில் ஈடுபட்டனர்.
5. பெரம்பலூரில் 2-வது நாளாக மறியலில் ஈடுபட்ட அரசு ஊழியர்கள் 49 பேர் கைது
பெரம்பலூரில் 2-வது நாளாக மறியலில் ஈடுபட்ட அரசு ஊழியர்கள் 49 பேர் கைது செய்யப்பட்டனர்.