மாவட்ட செய்திகள்

தர்மபுரி மாவட்டத்தில் பசுமை வீடுகள் கட்டும் பணியை விரைவுபடுத்த வேண்டும் - ஆய்வுக்கூட்டத்தில் கலெக்டர் கார்த்திகா அறிவுறுத்தல் + "||" + Need to expedite the construction of green houses in Dharmapuri district - Instruction of Collector Karthika at the review meeting

தர்மபுரி மாவட்டத்தில் பசுமை வீடுகள் கட்டும் பணியை விரைவுபடுத்த வேண்டும் - ஆய்வுக்கூட்டத்தில் கலெக்டர் கார்த்திகா அறிவுறுத்தல்

தர்மபுரி மாவட்டத்தில் பசுமை வீடுகள் கட்டும் பணியை விரைவுபடுத்த வேண்டும் - ஆய்வுக்கூட்டத்தில் கலெக்டர் கார்த்திகா அறிவுறுத்தல்
தர்மபுரி மாவட்டத்தில் பசுமை வீடுகள் கட்டும் பணியை விரைவுபடுத்த வேண்டும் என்று ஊரக வளர்ச்சித்துறை அதிகாரிகள் ஆய்வுக் கூட்டத்தில் கலெக்டர் கார்த்திகா அறிவுறுத்தினார்.
தர்மபுரி,

தர்மபுரி மாவட்டத்தில் ஊரக வளர்ச்சி மற்றும் ஊராட்சித் துறை மூலம் மேற்கொள்ளப்பட்டு வரும் பல்வேறு வளர்ச்சி திட்டப் பணிகள் தொடர்பான ஆய்வுக்கூட்டம் தர்மபுரி கலெக்டர் அலுவலகத்தில் நடைபெற்றது. இந்த கூட்டத்திற்கு கலெக்டர் கார்த்திகா தலைமை தாங்கினார். உதவி கலெக்டர் பிரதாப், ஊரக வளர்ச்சி முகமை திட்ட இயக்குனர் ஆர்த்தி ஆகியோர் முன்னிலை வகித்தனர். கூட்டத்தில் கலெக்டர் கார்த்திகா பேசியதாவது:-

தர்மபுரி மாவட்டத்தில் ஊரக வளர்ச்சி மற்றும் ஊராட்சித்துறை மூலம் கிராமப்புற பகுதிகளில் தேவையான அடிப்படை வசதிகளை மேம்படுத்துவதற்கான பணிகள் சிறப்பாக செயல்படுத்தப்பட்டு வருகிறது. முதல்-அமைச்சரின் பசுமை வீடு வழங்கும் திட்டத்தின் கீழ் கடந்த 4 ஆண்டுகளில் ரூ.42.89 கோடி மதிப்பில் 2,383 பயனாளிகளுக்கு வீடுகள் வழங்கப்பட்டுள்ளன. தற்போது இந்த திட்டத்தின் கீழ் நடைபெற்று வரும் வீடுகள் கட்டும் பணியை விரைவுபடுத்த துறை சார்ந்த அதிகாரிகள் நடவடிக்கை எடுக்க வேண்டும்.

பிரதம மந்திரி ஆவாஸ் யோஜனா திட்டத்தின் கீழ் ரூ.228.24 கோடி மதிப்பில் 13 ஆயிரத்து 426 வீடுகள் கட்டப்பட்டுள்ளன. தனிநபர் இல்ல கழிப்பறை கட்டும் திட்டத்தின் கீழ் இதுவரை ரூ.195.40 கோடி மதிப்பில் 1 லட்சத்து 62 ஆயிரத்து 832 கழிப்பறைகள் கட்டப்பட்டுள்ளன. தமிழக அரசின் சிறப்பு திட்டமான குடிமராமத்து திட்டத்தின் கீழ் ரூ.16.60 கோடி மதிப்பில் 458 ஏரிகள் மற்றும் குளங்களை தூர்வாரும் பணி மேற்கொள்ளப்பட்டுள்ளது. வடகிழக்கு பருவமழை தொடங்குவதை கருத்தில் கொண்டு குடிமராமத்து திட்டப் பணிகளை விரைவாக முடித்து பொதுமக்கள் பயன்பாட்டுக்கு கொண்டுவர வேண்டும். இந்த ஆண்டில் நிலுவையில் உள்ள அனைத்து பணிகளையும் தரமான முறையில் டிசம்பர் மாதம் 31-ந்தேதிக்குள் முடிக்க வேண்டும். வட்டார நாற்றுப் பண்ணைகளை அமைத்து பருவமழை பொழியும்போது செடிகளை நடவு செய்ய வேண்டும்.

இவ்வாறு கலெக்டர் கார்த்திகா பேசினார்.

இந்த கூட்டத்தில் கலெக்டரின் நேர்முக உதவியாளர்கள் ரங்கராஜன், வேதநாயகம், ஊராட்சி உதவி இயக்குனர் சீனிவாசசேகர், உதவி திட்ட அலுவலர்கள் செந்தில்குமார், உஷாராணி, அனைத்து வட்டார வளர்ச்சி அலுவலர்கள் மற்றும் துறை சார்ந்த அலுவலர்கள், பணியாளர்கள் கலந்து கொண்டனர்.

தொடர்புடைய செய்திகள்

1. மாற்றுத்திறனாளிகள் தினத்தையொட்டி 31 பேருக்கு நலத்திட்ட உதவிகள் - கலெக்டர் கார்த்திகா வழங்கினார்
மாற்றுத் திறனாளிகள் தினத்தையொட்டி தர்மபுரியில் உள்ள 31 பேருக்கு நலத்திட்ட உதவிகளை கலெக்டர் கார்த்திகா வழங்கினார்.
2. ஒகேனக்கல் காவிரி ஆற்றில் தடை செய்யப்பட்ட பகுதிகளில் குளிப்பவர்கள் மீது நடவடிக்கை - கலெக்டர் கார்த்திகா எச்சரிக்கை
ஒகேனக்கல் காவிரி ஆற்றில் தடைசெய்யப்பட்ட பகுதிகளில் குளிப்பவர்கள் மீது கடும் நடவடிக்கை எடுக்கப்படும் என்று கலெக்டர் கார்த்திகா எச்சரிக்கை விடுத்துள்ளார்.
3. தர்மபுரி மாவட்டத்தில் இதுவரை 6,057 பேருக்கு கொரோனா தொற்று பாதிப்பு; ஆலோசனை கூட்டத்தில் கலெக்டர் கார்த்திகா தகவல்
தர்மபுரி மாவட்டத்தில் இதுவரை 6,057 பேருக்கு கொரோனா தொற்று பாதிப்பு ஏற்பட்டுள்ளது என்று ஆலோசனை கூட்டத்தில் கலெக்டர் கார்த்திகா தெரிவித்தார்.
4. புயல் பாதிப்பை எதிர்கொள்ள எல்லையோர கிராமங்களில் தயார் நிலையில் பேரிடர் தடுப்பு குழுவினர் - கலெக்டர் கார்த்திகா தகவல்
தர்மபுரி மாவட்டத்தில் புயல் பாதிப்பை எதிர்கொள்ள எல்லையோர கிராமங்களில் பேரிடர் தடுப்பு மற்றும் மீட்பு குழுவினர் தயார் நிலையில் உள்ளனர் என்று கலெக்டர் கார்த்திகா கூறினார். தர்மபுரி மாவட்ட கலெக்டர் கார்த்திகா தர்மபுரி கலெக்டர் அலுவலகத்தில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-
5. பொதுமக்களின் மனுக்கள் மீது 15 நாட்களில் நடவடிக்கை - புதிய கலெக்டர் கார்த்திகா பேட்டி
தர்மபுரி மாவட்டத்தை சேர்ந்த பொதுமக்கள் அளிக்கும் கோரிக்கை மனுக்கள், புகார்கள் மீது 15 நாட்களில் நடவடிக்கை எடுக்கப்படும் என்று புதிய கலெக்டர் எஸ்.பி.கார்த்திகா கூறினார்.