மாவட்ட செய்திகள்

தொடர் மழையால் மாமல்லபுரம் புலிக்குகையை மழைநீர் சூழ்ந்தது + "||" + The Mamallapuram Tiger Reserve was surrounded by rain water due to continuous rains

தொடர் மழையால் மாமல்லபுரம் புலிக்குகையை மழைநீர் சூழ்ந்தது

தொடர் மழையால் மாமல்லபுரம் புலிக்குகையை மழைநீர் சூழ்ந்தது
தொடர் மழையால் மாமல்லபுரம் புலிக்குகை புராதன சின்னம் மழை நீர் சூழ்ந்து காணப்படுகிறது.
புலிக்குகை
செங்கல்பட்டு மாவட்டம் மாமல்லபுரம் கிழக்கு கடற்கரை சாலையில் உள்ள புலிக்குகை புராதன சின்னம் பல்லவ மன்னர்களால் 7-ம் நூற்றாண்டில் பாறையை குடைந்து உருவாக்கப்பட்ட முக்கிய பாரம்பரிய நினைவு சின்னமாகும். இது உலக பாரம்பரிய சின்னமாக யுனெஸ்கோவால் அங்கீகரிக்கப்பட்டதாகும். முழுக்க, முழுக்க பல்லவர்கள் புலிகளின் தலைகளை சிற்பங்களாக வடித்து இங்குள்ள பாறையில் அழகுற வடிவமைத்துள்ளனர். இதனை உருவாக்கும்போது புலிக்குகை முகப்பு பகுதியில் 3 அடி ஆழத்தில் படிகள் அமைத்து அகழியை உருவாக்கி உள்ளனர்.

மாமல்லபுரம் தொல்லியல் துறை இவற்றை பாதுகாத்து பராமரித்து வருகிறது.

மழைநீர் தேக்கம்
இந்த நிலையில் கடந்த சில நாட்களாக பெய்து வரும் தொடர்மழையால் புலிக்குகையில் உள்ள முன் பக்க அகழியில் 3 அடி ஆழத்திற்கு மழை நீர் தேங்கியுள்ளது. முன் பக்க அகழி பகுதி முழுவதும் நீரில் மூழ்கிய நிலையில் ஒரு குளத்தில் உள்ள புராதன சின்னம் போல் புலிக்குகை ரம்மியமாக காட்சி அளிக்கிறது. கொரோனா தொற்று மற்றும் ஊரடங்கால் 8 மாதங்களாக மூடப்பட்டுள்ள புலிக்குகை விரைவில் திறப்பதற்காக செங்கல்பட்டு மாவட்ட கலெக்டரின் ஒப்புதலுக்காக மாமல்லபுரம் தொல்லியல் துறை கடிதம் அனுப்பியுள்ளது.

மாவட்ட கலெக்டரின் அனுமதி கிடைத்தவுடன் புலிக்குகை உள்ளிட்ட மாமல்லபுரத்தில் உள்ள அனைத்து புராதன சின்னங்களும் திறக்கப்பட உள்ளதாக தொல்லியல் துறை வட்டாரங்கள் தெரிவித்துள்ளன.

தொடர்புடைய செய்திகள்

1. வீட்டிற்குள் மழைநீர் புகுந்து வசிக்க முடியாத நிலை: யாரும் கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேர்
வீட்டிற்குள் மழைநீர் புகுந்து வசிக்க முடியாத நிலையில் யாரும் தங்களை கண்டுகொள்ளாததால் தீக்குளிக்க பெட்ரோல் கேனுடன் வந்த 3 பேரை போலீசார் எச்சரித்து அனுப்பி வைத்தனர்.
2. ஆண்டிமடம் விளந்தை பகுதியில் தெருக்கள், சாலையில் குளம்போல் தேங்கிய மழைநீர்
ஆண்டிமடம் விளந்தை பகுதியில் தெருக்கள், சாலையில் மழைநீர் தேங்கி குளம்போல் காட்சியளிக்கிறது. இதை தவிர்க்க அப்பகுதியில் வடிகால் வாய்க்கால் அமைக்க பொதுமக்கள் கோரிக்கை விடுத்துள்ளனர்.
3. இரண்டு வார காலமாக கூத்தியம்பேட்டை கிராமத்தில் குடியிருப்பை சூழ்ந்திருக்கும் மழைநீர்
கூத்தியம்பேட்டை கிராமத்தில் இரண்டு வார காலமாக குடியிருப்பை சூழ்ந்திருக்கும் மழைநீரை அகற்ற விரைவில் நடவடிக்கை எடுப்பார்களா? என அந்த பகுதி மக்கள் எதிர்பார்ப்புடன் உள்ளனர்.
4. பள்ளிக்கரணையில் 4 நாட்களாக தேங்கி நிற்கும் மழைநீர்: வீடுகளுக்குள் பாம்புகள் புகுந்து விடுவதால் மாடி வீடுகளில் மக்கள் தஞ்சம்
பள்ளிக்கரணையில் கடந்த 4 நாட்களாக வீடுகளை மழைநீர் சூழ்ந்து நிற்பதால் பாம்புகள், விஷப்பூச்சுகள் வீடுகளுக்குள் படையெடுப்பதால் அச்சம் அடைந்த பொதுமக்கள், குழந்தைகளுடன் மாடி வீடுகளில் தஞ்சமடைந்து வருகின்றனர்.
5. உடன்குடி பகுதியில் உள்ள 2 குளங்களுக்கு தண்ணீர் திறந்துவிட கோரிக்கை
உடன்குடி பகுதியில் உள்ள 2 குளங்களுக்கு தண்ணீர் திறந்து விட வேண்டும் என்று விவசாயிகள் கோரிக்கை விடுத்து உள்ளனர்.