<
களக்காடு அருகே, மனைவி வளைகாப்பு விழாவில் தீக்குளித்து தொழிலாளி தற்கொலை - மதுபோதையில் வந்ததை உறவினர்கள் கண்டித்ததால் விபரீதம்
களக்காடு அருகே மனைவி வளைகாப்பு விழாவில் தீக்குளித்து தொழிலாளி தற்கொலை செய்து கொண்டார். மதுபோதையில் வந்ததை உறவினர்கள் கண்டித்ததால் இந்த விபரீத சம்பவம் நடந்து உள்ளது.
களக்காடு,
தூத்துக்குடி மாவட்டம் ஆழ்வார்திருநகரி வ.உ.சி. நகரை சேர்ந்தவர் பிச்சை மகன் ஆறுமுகம் (வயது 23). கூலி தொழிலாளியான இவர் தனது மனைவியுடன் நெல்லை மாவட்டம் களக்காடு அருகே உள்ள ஜெ.ஜெ.நகரில் வசித்து வந்தார்.
ஆறுமுகத்திற்கு மது அருந்தும் பழக்கம் இருந்தது. இதனால் அவர் அடிக்கடி மது அருந்தி விட்டு வீட்டிற்கு வருவது வழக்கம்.
இந்த நிலையில் சம்பவத்தன்று இவரது மனைவிக்கு வளைகாப்பு விழா நடந்தது. விழாவிற்கு ஆறுமுகம் மது அருந்தி விட்டு போதையில் வந்ததாக கூறப்படுகிறது. இதனை பார்த்த உறவினர்கள் அவரை கண்டித்துள்ளனர்.
இதனால் மனம் உடைந்த ஆறுமுகம் தனது உடலில் மண்எண்ணெய் ஊற்றி தீ வைத்துக் கொண்டார். இதில் உடல் கருகிய அவரை உறவினர்கள் மீட்டு சிகிச்சைக்காக நெல்லை அரசு ஆஸ்பத்திரியில் அனுமதித்தனர். அங்கு அவருக்கு சிகிச்சை அளிக்கப்பட்டு வந்தது.
ஆனால் தீவிர சிகிச்சை அளித்தும் பலன் இன்றி நேற்று முன்தினம் ஆறுமுகம் பரிதாபமாக இறந்தார். இதுகுறித்த புகாரின் பேரில் களக்காடு போலீசார் வழக்குப்பதிவு செய்து விசாரணை நடத்தினர். மனைவி வளைகாப்பு விழாவில் தீக்குளித்து தொழிலாளி தற்கொலை செய்து கொண்ட சம்பவம் அந்த பகுதியில் பரிதாபத்தை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
