<
பொங்கல் பண்டிகையையொட்டி ஆன்லைன் வகுப்புகளுக்கு விடுமுறை அளிப்பது குறித்து முதல்-அமைச்சர் முடிவு எடுப்பார்: அமைச்சர் செங்கோட்டையன் பேட்டி
தமிழக பள்ளிக்கல்வித்துறை அமைச்சர் கே.ஏ.செங்கோட்டையன்
பொங்கல் பண்டிகையையொட்டி ஆன்லைன் வகுப்புகளுக்கு விடுமுறை அளிப்பது குறித்து முதல்-அமைச்சர் முடிவு எடுப்பார் என்று அமைச்சர் கே.ஏ.செங்கோட்டையன் கூறினார்.
மாணவர்களுக்கு டேப்...
தமிழக பள்ளிக்கல்வித்துறை அமைச்சர் கே.ஏ.செங்கோட்டையன் நேற்று ஈரோடு மாவட்டம் கோபியில் நிருபர்களுக்கு பேட்டி அளித்தார். அப்போது அவர் கூறியதாவது:-
தமிழகத்தின் முன்னாள் முதல்-அமைச்சர்கள் எம்.ஜி.ஆர்., ஜெயலலிதாவைப் போல முதல்-அமைச்சர் எடப்பாடி பழனிசாமியை `மக்களின் முதல்வர்` என்று பொதுமக்கள் பாராட்டி வருகிறார்கள். இன்னும் தமிழகத்தில் பல்வேறு திட்டங்கள் நிறைவேற்றப்பட உள்ளன.
முதல்-அமைச்சருடைய கருத்தை கேட்டு பள்ளிகள் திறந்தவுடன், அரசு பள்ளி மாணவர்களுக்கு டேப் வழங்கப்படும். பள்ளிகளில் நடத்தப்படும் செய்முறைத் தேர்வுகள் அனைத்தும் வழக்கம்போல் நடைபெறும். அதற்கான அட்டவணை கல்வித்துறை சார்பில் விரைவில் வெளியிடப்படும்.
ஆன்லைன் வகுப்புகள்
ஜாக்டோ-ஜியோ போராட்டத்தில் ஈடுபட்ட ஆசிரியர்களில் பணிக்காலம் முடிவுற்றவர்களுக்கு பணப்பலன்கள் அளிப்பது குறித்து முதல்-அமைச்சர் முடிவு எடுப்பார்.
அரசு பள்ளிகளிலும் தேவையான கழிப்பறைகள் அமைக்கப்படும். கல்விக்கடன் ரத்து பற்றி தேர்தலின் போதுதான் தெரியும்.
பொங்கல் பண்டிகையையொட்டி ஆன்லைன் வகுப்புகளுக்கு விடுமுறை அளிப்பது குறித்து விரைவில் முதல்-அமைச்சர் முடிவு எடுப்பார்.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
