மாவட்ட செய்திகள்

கடின உழைப்பும், விடாமுயற்சியும் இருந்தால் மாணவ-மாணவிகள் ஐ.ஏ.எஸ்., ஐ.பி.எஸ். அதிகாரிகள் ஆகலாம் அமைச்சர் பேச்சு + "||" + With hard work and perseverance, students can apply for IAS, IPS. Officials may take ministerial speech

கடின உழைப்பும், விடாமுயற்சியும் இருந்தால் மாணவ-மாணவிகள் ஐ.ஏ.எஸ்., ஐ.பி.எஸ். அதிகாரிகள் ஆகலாம் அமைச்சர் பேச்சு

கடின உழைப்பும், விடாமுயற்சியும் இருந்தால் மாணவ-மாணவிகள் ஐ.ஏ.எஸ்., ஐ.பி.எஸ். அதிகாரிகள் ஆகலாம் அமைச்சர் பேச்சு
கடின உழைப்பும், விடாமுயற்சியும் இருந்தால் மாணவ-மாணவிகள் ஐ.ஏ.எஸ், ஐ.பி.எஸ். அதிகாரிகள் ஆகலாம் என்று அமைச்சர் கே.சி.கருப்பணன் கூறினார்.
பவானி,

பவானி அரசு மேல்நிலைப்பள்ளியில் பிளஸ்-1 படிக்கும் மாணவ-மாணவிகளுக்கு விலையில்லா சைக்கிள் வழங்கும் நிகழ்ச்சி நடைபெற்றது. நிகழ்ச்சிக்கு மாவட்ட கல்வி அதிகாரி பழனி தலைமை தாங்கினார். அரசு ஆண்கள், பெண்கள் மேல்நிலைப்பள்ளி தலைமை ஆசிரியர்கள் மோகனா, என்.கோவிந்தராஜ், பவானி தாசில்தார் பெரியசாமி ஆகியோர் முன்னிலை வகித்தனர்.


நிகழ்ச்சியில் தமிழக சுற்றுச்சூழல் துறை அமைச்சர் கே.சி.கருப்பணன் கலந்துகொண்டு மாணவ-மாணவிகளுக்கு சைக்கிள்களை வழங்கி பேசினார். அப்போது அவர் கூறியதாவது:-

ரூ.21¼ லட்சம் மதிப்பீட்டில்...

இன்று (அதாவது நேற்று முன்தினம்) பவானி அரசு பெண்கள் மேல்நிலைப் பள்ளியில் படிக்கும் 353 மாணவிகளுக்கும், ஆண்கள் மேல்நிலைப்பள்ளியில் படிக்கும் 190 மாணவர்களுக்கும் என மொத்தம் 543 பேருக்கு 21 லட்சத்து 31 ஆயிரத்து 103 ரூபாய் மதிப்பீட்டிலான விலையில்லா சைக்கிள்கள் வழங்கப்பட்டுள்ளது.

கல்விக்காக ஆண்டொன்றுக்கு ரூ.25 ஆயிரம் கோடியை தமிழக அரசு செலவு செய்கிறது. ஒரு நாட்டில் கல்வி வளர்ந்தால் தான் நாடு உயரும் என்ற நோக்கத்தோடு அனைத்து மாணவ-மாணவிகளுக்கும் விலையில்லா சீருடை, காலணி, நோட்டுப் புத்தகம், லேப்டாப், சைக்கிள் உள்ளிட்டவற்றை முதல்-அமைச்சர் எடப்பாடி பழனிசாமி வழங்கி வருகிறார்.

அதிகாரிகள் ஆகலாம்

7.5 சதவீத உள் இடஒதுக்கீடு மூலம் அரசுப் பள்ளிக்கூடத்தில் படிக்கும் மாணவர்கள் ஒரு ரூபாய் கூட கட்டணம் செலுத்தாமல் மருத்துவர் ஆகலாம் என்கிற கனவையும் நினைவாக்கியுள்ளார். மாணவ-மாணவிகளிடையே கடின உழைப்பும், நல்ல ஒழுக்கமும், நல்ல சிந்தனையும், விடாமுயற்சியும் இருந்தால் இன்று ஐ.ஏ.எஸ்., ஐ.பி.எ.ஸ்., டி.என்.பி.எஸ்.சி., வங்கி ஆகிய தேர்வுகளை எழுதி, வெற்றி பெற்று அதிகாரிகள் ஆகலாம். இதற்காக அரசு பல்வேறு வகுப்புகளை நடத்தி வாய்ப்புகளையும் உருவாக்கி கொடுத்திருக்கிறது.

இவ்வாறு அமைச்சர் கே.சி.கருப்பணன் கூறினார்.

நிகழ்ச்சியில் ஆசிரியர்கள்-மாணவ-மாணவிகள் மற்றும் அ.தி.மு.க.வினர் ஏராளமானோர் கலந்துகொண்டனர்.

தொடர்புடைய செய்திகள்

1. எரிபொருள் சிக்கனத்தை வலியுறுத்தி விழிப்புணர்வு சைக்கிள் ஊர்வலம்
எரிபொருள் சிக்கனத்தை வலியுறுத்தி விழிப்புணர்வு சைக்கிள் ஊர்வலம் நடைபெற்றது.
2. கள்ளக்குறிச்சியில் 914 மாணவர்களுக்கு விலையில்லா சைக்கிள்
கள்ளக்குறிச்சியில் 914 மாணவர்களுக்கு விலையில்லா சைக்கிள் கலெக்டர் கிரண்குராலா, பிரபு எம்.எல்.ஏ. வழங்கினர்.
3. 238 பள்ளி மாணவ-மாணவிகளுக்கு விலையில்லா சைக்கிள்கள் அமைச்சர் எஸ்.பி.வேலுமணி வழங்கினார்
238 பள்ளி மாணவ-மாணவிகளுக்கு விலையில்லா சைக்கிள்களை அமைச்சர் எஸ்.பி.வேலுமணி வழங்கினார்.
4. காணை ஒன்றியத்தில் 1,355 மாணவர்களுக்கு விலையில்லா சைக்கிள்கள்
காணை ஒன்றியத்தில் 1,355 மாணவர்களுக்கு விலையில்லா சைக்கிள்கள் முத்தமிழ்செல்வன் எம்.எல்.ஏ. வழங்கினார்.
5. மாவட்டத்தில் விரைவில் வேளாண் பட்டய கல்லூரி தொடங்க நடவடிக்கை அமைச்சர் கே.பி.அன்பழகன் தகவல்
தர்மபுரி மாவட்டத்தில் விரைவில் வேளாண் பட்டயக்கல்லூரி தொடங்க நடவடிக்கை எடுக்கப்பட்டு வருகிறது என்று அமைச்சர் கே.பி.அன்பழகன் கூறினார்.