<
நாமக்கல் மண்டலத்தில் முட்டை விலை 20 காசுகள் சரிவு 405 காசுகளாக நிர்ணயம்
முட்டை விலை 20 காசுகள் சரிவு
நாமக்கல்:
நாமக்கல் மண்டலத்தில் முட்டை கொள்முதல் விலை 20 காசுகள் குறைக்கப்பட்டு, 405 காசுகளாக நிர்ணயம் செய்யப்பட்டு உள்ளது.
முட்டை விலை சரிவு
நாமக்கல் மண்டலத்தில் முட்டையின் கொள்முதல் விலை கடந்த சில நாட்களாக 425 காசுகளாக நீடித்து வந்தது. இந்த நிலையில் நேற்று நாமக்கல்லில் நடந்த தேசிய முட்டை ஒருங்கிணைப்பு குழு கூட்டத்தில் முட்டையின் கொள்முதல் விலையை 20 காசுகள் குறைக்க முடிவு செய்தனர். எனவே முட்டை கொள்முதல் விலை 405 காசுகளாக சரிவடைந்து உள்ளது.
பிற மண்டலங்களில் முட்டை விலை காசுகளில் வருமாறு:-
சென்னை-405, ஐதராபாத்-380, விஜயவாடா-426, மைசூரு-440, மும்பை-450, பெங்களூரு-420, கொல்கத்தா-470, டெல்லி-435.
முட்டைக்கோழி கிலோ ரூ.52-க்கும், கறிக்கோழி கிலோ ரூ.64-க்கும் விற்பனை செய்யப்பட்டு வருகிறது. அவற்றின் விலைகளில் மாற்றம் செய்யப்படவில்லை என பண்ணையாளர்கள் தெரிவித்தனர்.
பிறமண்டலம்
இந்திய அளவில் முட்டை நுகர்வு குறைந்து இருப்பதால், பிற மண்டலங்களில் முட்டை விலை சரிவடைந்து வருகிறது. அதற்கு தகுந்தாற்போல் நாமக்கல் மண்டலத்திலும் முட்டையின் கொள்முதல் விலை குறைக்கப்பட்டு இருப்பதாக பண்ணையாளர்கள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
