<
ஒடுகத்தூர்: 108 ஆம்புலன்சில் பிறந்த அழகான பெண் குழந்தை
ஒடுகத்தூர் அருகே 108 ஆம்புலன்சில் அழகான பெண் குழந்தை பிறந்தது.
வேலூர்
ஒடுகத்தூர் அருகே 108 ஆம்புலன்சில் அழகான பெண் குழந்தை பிறந்தது.
வேலூர் மாவட்டம் ஒடுகத்தூர் அருகே உள்ள கீழ்கொத்தூர் கிராமத்தை சேர்ந்தவர் குணசேகர். இவருடைய மனைவி சிந்து (வயது 20).
கர்ப்பிணியான இவருக்கு நேற்று நள்ளிரவு திடீரென பிரசவவலி ஏற்பட்டது. இதுகுறித்து 108 ஆம்புலன்சுக்கு தகவல் தெரிவிக்கப்பட்டது.
அதைத்தொடர்ந்து அணைக்கட்டு பகுதியில் இயங்கும் 108 ஆம்புலன்ஸ் டிரைவர் பாண்டியன் மற்றும் மருத்துவ உதவியாளர் சரஸ்வதி ஆகியோர் அங்கு விரைந்து சென்றனர்.
சிந்துவை ஏற்றிக்கொண்டு ஆம்புலன்ஸ் வேப்பங்குப்பம் அரசு ஆரம்ப சுகாதார நிலையம் நோக்கி விரைந்தது. சிறிதுநேரத்தில் சிந்துவிற்கு பிரசவ வலி அதிகமானது. அதனால் மருத்துவ உதவியாளர் சரஸ்வதி வேறுவழியின்றி பிரசவம் பார்த்தார்.
ஆம்புலன்சில் சிந்துவிற்கு அழகிய பெண்குழந்தை பிறந்தது. குழந்தை மற்றும் தாய்க்கு முதலுதவி அளித்து வேப்பங்குப்பம் அரசு ஆரம்ப சுகாதார நிலையத்தில் அனுமதிக்கப்பட்டனர். தாயும், சேயும் நலமாக இருப்பதாக டாக்டர்கள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
