<
திருச்சி அரசு ஆஸ்பத்திரியில் கொரோனா தடுப்பூசி போட்டுக்கொண்ட கலெக்டர் எஸ்.சிவராசு
திருச்சி அரசு ஆஸ்பத்திரியில் கலெக்டர் எஸ்.சிவராசு நேற்று கொரோனா தடுப்பூசி போட்டு கொண்டார்.
திருச்சி,
நாடு முழுவதும் கடந்த 16-ந் தேதி முதல் கொரோனா தடுப்பூசி போடும் பணி தொடங்கியது. முதல்கட்டமாக சுகாதாரத்துறையை சேர்ந்த டாக்டர்கள், செவிலியர்கள், மருத்துவ பணியாளர்களுக்கு தடுப்பூசி போடப்பட்டு வருகிறது.
திருச்சி மாவட்டத்தில் அரசு தலைமை ஆஸ்பத்திரி, லால்குடி, ஸ்ரீரங்கம் அரசு ஆஸ்பத்திரிகள், புத்தாநத்தம், இனாம்குளத்தூர் ஆரம்ப சுகாதார மையங்கள் உள்பட 6 இடங்களில் தடுப்பூசி போடும் பணி நடைபெற்று வருகிறது. தற்போது, கூடுதல் மையங்கள் தேர்வு செய்யப்பட்டு மொத்தம் 15 இடங்களில் தடுப்பூசி போடப்படுகிறது.
தடுப்பூசி போட்டுக்கொண்ட கலெக்டர்
இந்தநிலையில் நேற்று முதல் உள்ளாட்சித்துறை, வருவாய்த்துறை, காவல்துறையை சேர்ந்த முன்களப்பணியாளர்களுக்கு தடுப்பூசி போடும் பணி தொடங்கி உள்ளது. திருச்சி அரசு ஆஸ்பத்திரியில் கலெக்டர் எஸ்.சிவராசு நேற்று தடுப்பூசி போட்டு கொண்டார். அப்போது டீன் வனிதா மற்றும் டாக்டர்கள் பலர் உடன் இருந்தனர்.
இதனை தொடர்ந்து கலெக்டர் எஸ்.சிவராசு நிருபர்களிடம் கூறியதாவது:-
முதற்கட்டமாக மருத்துவத்துறையை சேர்ந்தவர்களுக்கு தடுப்பூசி போடப்பட்டது. அடுத்தக்கட்டமாக வருவாய்த்துறை, காவல்துறையை சேர்ந்த முன்களப்பணியாளர்களுக்கு தடுப்பூசி போடப்படுகிறது. நானும், தடுப்பூசி போட்டு கொண்டேன். என்னை போல் தாசில்தார்களும் தடுப்பூசி போட்டுக்கொள்ள உள்ளனர்.
எந்த பாதிப்பும் இல்லை
திருச்சி மாவட்டத்தில் முதற்கட்டமாக வருவாய்த்துறையை சேர்ந்த 1, 362 பேர் தடுப்பூசி போட பதிவுசெய்துள்ளனர். மருத்துவ மாணவ-மாணவிகள் 100-க்கும் மேற்பட்டோர் இன்று (நேற்று) தடுப்பூசி போட்டுள்ளனர். திருச்சி மாவட்டத்தில் இதுவரை 4, 342 பேருக்கு தடுப்பூசி போட்டுள்ளோம்.
மொத்தம் 25 ஆயிரம் பேருக்கு தடுப்பூசி போடப்பட உள்ளது. ஒருவாரத்தில் நல்ல முன்னேற்றம் இருக்கும். திருச்சி மாவட்டத்துக்கு போதுமான தடுப்பூசிகள் உள்ளன. தடுப்பூசி போட்ட யாருக்கும் இதுவரை எந்த பாதிப்பும் இல்லை. கொரோனா தடுப்பூசி குறித்து தவறான தகவல்களை சமூகவலைதளத்தில் பரப்புபவர்கள் மீது நடவடிக்கை எடுக்கப்படும்.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
