கத்தியால் குத்தி வாலிபர் படுகொலை

தினத்தந்தி 6 Feb 2021 1:51 AM IST (Updated: 6 Feb 2021 1:51 AM IST)

பழனியில் கத்தியால் குத்தி வாலிபர் படுகொலை செய்யப்பட்டார்.

பழனி:

பழனியில் உள்ள சிவகிரிப்பட்டி பைபாஸ் சாலையோரத்தில் நேற்று கத்திக்குத்து காயங்களுடன் 30 வயது மதிக்கத்தக்க வாலிபர் ஒருவர் மயங்கி கிடந்தார்.

இதை அக்கம்பக்கத்தினர் பார்த்து பழனி டவுன் போலீசுக்கு தகவல் கொடுத்தனர்.

அதன்பேரில் போலீசார் சம்பவ இடத்துக்கு விரைந்து வந்து விசாரித்தனர்.

பின்னர் போலீசார், காயமடைந்த வாலிபரை மீட்டு பழனி அரசு மருத்துவமனையில் சிகிச்சைக்காக சேர்த்தனர்.

சாவு

அங்கு அவருக்கு தீவிர சிகிச்சை அளிக்கப்பட்டது.

எனினும் சிகிச்சை பலனின்றி சிறிதி நேரத்திலேயே அவர் பரிதாபமாக இறந்தார்.

கத்தியால் குத்தி கொலை செய்யப்பட்டவர் யார்? எந்த ஊரை சேர்ந்தவர்?் என்று தெரியவில்லை.

அவரை மர்மகும்பல் கடத்தி வந்து கத்தியால் குத்தி விட்டு சாலையோரம் வீசி சென்று இருக்கலாம் என போலீசார் சந்தேகிக்கின்றனர்.

இது தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியது.