<
விவசாயிகள் சாலை மறியல்
டெல்லியில் போராடும் விவசாயிகளுக்கு ஆதரவாக சாத்தூாில் விவசாயிகள் சாலை மறியல் போராட்டத்தில் ஈடுபட்டனர்.
சாத்தூர்
டெல்லியில் போராடும் விவசாயிகளுக்கு ஆதரவாக சாத்தூாில் விவசாயிகள் சாலை மறியல் போராட்டத்தில் ஈடுபட்டனர்.
சாலை மறியல்
வேளாண்திருத்த சட்டங்களை திரும்ப பெற வலியுறுத்தியும், டெல்லியில் போராடும் விவசாயிகளுக்கு ஆதரவாகவும் அகில இந்திய விவசாய போராட்ட ஒருங்கிணைப்பு குழு சார்பில் சாத்தூரில் சாலை மறியல் போராட்டம் நடைபெற்றது.
போராட்டத்திற்கு தமிழ்நாடு விவசாயிகள் சங்க தாலுகா செயலாளர் மனோஜ் குமார் தலைமை தாங்கினார். வாழ்க விவசாயிகள் சங்கத்தலைவர் காளிராஜ் முன்னிலை வகித்தார்.
இதில் தமிழ்நாடு விவசாயிகள் சங்க மாவட்ட தலைவர் விஜய முருகன், தாலுகா செயலாளர் சாமிநாதன், முன்னாள் விவசாயிகள் மாவட்ட செயலாளர் சுப்புராஜ் மற்றும் விவசாயிகள் அமைப்பினர் பலர் கலந்து கொண்டனர்.
விவசாயிகளுக்கு ஆதரவு
மத்திய அரசு கொண்டு வந்துள்ள வேளாண் திருத்தச்சட்டங்களை திரும்ப பெற வலியுறுத்தியும், டெல்லியில் போராடும் விவசாயிகளுக்கு ஆதரவாகவும், விவசாயிகள் மீது தாக்குதல் நடத்தியவர்களை கண்டித்தும், அவர்கள் மீது போடப்பட்ட வழக்குகளை வாபஸ் பெற வேண்டும் என்பன உள்பட பல்வேறு கோரிக்கைகளை வலியுறுத்தி இந்த போராட்டம் நடைபெற்றது.
இதையடுத்து அனுமதியின்றி சாலை மறியலில் ஈடுபட்ட விவசாய சங்க அமைப்பினரை சாத்தூர் டவுன் போலீசார் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
