ஜாக்டோ ஜியோ அமைப்பினர் ஆர்ப்பாட்டம்

கரூர்
தமிழக முதல்-அமைச்சர் ஜாக்டோ ஜியோ மாநில ஒருங்கிணைப்பாளர்களை அழைத்து பேசி சி.பி.எஸ். திட்டத்தை ரத்து செய்ய வேண்டும் என்பன உள்பட பல்வேறு கோரிக்கைகளை நிறைவேற்ற வலியுறுத்தி, மாநில ஒருங்கிணைப்பாளர்கள் சென்னையில் 72 மணி நேர உண்ணாவிரத போராட்டத்திற்கு ஆதரவாக நேற்று மாலை கரூர் ஆர்.எம்.எஸ். தபால் அலுவலகம் முன்பு கரூர் மாவட்ட ஜாக்டோ ஜியோ அமைப்பினர் சார்பில் ஆர்ப்பாட்டம் நடைபெற்றது. இதற்கு அரசு ஊழியர் சங்க தலைவர் சுப்பிரமணியன் தலைமை தாங்கினார். இதில் ஜாக்டோ ஜியோவை சேர்ந்த பலர் கலந்து கொண்டு கோரிக்கைகளை வலியுறுத்தி  கோஷங்களை எழுப்பினர்.