<
முத்துப்பேட்டை அருகே பரிதாபம் வெறிநாய் கடித்து மீனவர் சாவு
முத்துப்பேட்டை அருகே வெறிநாய் கடித்து மீனவர் பரிதாபமாக இறந்தார்.
முத்துப்பேட்டை அருகே வெறிநாய் கடித்து மீனவர் பரிதாபமாக இறந்தார்.
மீனவர்
திருவாரூர் மாவட்டம் முத்துப்பேட்டை அருகே உள்ள ஜாம்புவானோடை மேலக்காடு கிராமத்தை சேர்ந்தவர் ராஜேந்திரன் (வயது49). மீனவர்.
இவரை கடந்த மாதம் (ஜனவரி) அந்த பகுதியில் சுற்றித்திரிந்த வெறிநாய் கடித்தது. இதனையடுத்து அவரை அவரது உறவினர்கள் முத்துப்பேட்டை அரசு மருத்துவமனையில் அனுமதித்தனர். அங்கு அவருக்கு மருத்துவர்கள் முதலுதவி சிகிச்சை அளித்தனர். பின்னர் அவர் மேல்சிகிச்சைக்காக திருவாரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர்.
சிகிச்சை பலனின்றி சாவு
அங்கு சிகிச்சை பெற்று வந்த நிலையில் அவரின் உடல் நிலையில் மாற்றம் ஏற்பட்டு ஆபத்தான நிலைக்கு சென்றார். இதையடுத்து அவர் தஞ்சை அரசு மருத்துவக்கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்தார்.
இந்தநிலையில் நேற்று சிகிச்சை பலனின்றி ராஜேந்திரன் பரிதாபமாக உயிரிழந்தார். இதுகுறித்து முத்துப்பேட்டை போலீசார் வழக்குப்பதிவு செய்து விசாரணை நடத்தி வருகிறார்கள். இறந்த மீனவர் ராஜேந்திரனுக்கு சுசிலா என்ற மனைவியும், 3 குழந்தைகளும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
