மதுவிலக்கு வழக்குகளில் பறிமுதல் செய்யப்பட்ட 63 வாகனங்கள் ரூ.16 லட்சத்துக்கு ஏலம்

நாமக்கல்:

நாமக்கல் மாவட்டத்தில் மதுவிலக்கு வழக்குகளில் பறிமுதல் செய்யப்பட்டு உள்ள 12 நான்கு சக்கர வாகனங்கள் மற்றும் 60 இரண்டு சக்கர வாகனங்கள் என மொத்தம் 72 வாகனங்கள் நேற்று ஆயுதப்படை மைதானத்தில் பொது ஏலத்தில் விடப்பட்டன. இந்த ஏலம் கூடுதல் போலீஸ் சூப்பிரண்டு (மதுவிலக்கு) ராமு தலைமையில் நடந்தது. இந்த ஏலத்தில் முன்பணமாக ரூ.5 ஆயிரம் செலுத்தி 179 பேர் கலந்து கொண்டனர். இதில் 5 நான்கு சக்கர வாகனங்கள் மற்றும் 58 இருசக்கர வாகனங்கள் என மொத்தம் 63 வாகனங்கள் ரூ.16 லட்சத்து 23 ஆயிரத்துக்கு ஏலம் போனது.