ஆட்டோ மோதி ஓய்வு பெற்ற தலைமை ஆசிரியர் சாவு

திருப்பத்தூர் அருகே கண்டரமாணிக்கத்தை சேர்ந்தவர் காளிமுத்து (வயது 78). இவர் அரசு பள்ளியில் தலைமை ஆசிரியராக பணியாற்றி ஓய்வு பெற்றவர். இவர் நேற்று முன்தினம் காலையில் கண்டரமாணிக்கத்தில் இருந்து திருப்பத்தூர் மெயின் ரோட்டில் நடந்து சென்றார். அப்போது இவரது பின்னால் வந்த ஆட்டோ அவர் மீது மோதி உள்ளது. இதில் படுகாயம் அடைந்த அவரை அக்கம், பக்கத்தினர் மீட்டு சிகிச்சைக்காக சிவகங்கை அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலனின்றி அவர் இறந்தார்.
 இதுகுறித்து திருக்கோஷ்டியூர் போலீசார் வழக்குப்பதிவு செய்து விசாரணை நடத்தி வருகின்றனர்.