தனியார் நர்சிங் கல்லூரியில் நீதிபதிகள் திடீர் ஆய்வு

மானாமதுரை,

விடுதியில் மின்வசதி இல்லை என்று வந்த புகாரின் அடிப்படையில் மானாமதுரையில் தனியார் நர்சிங் கல்லூரியில் நீதிபதிகள் திடீர் ஆய்வு நடத்தினார்கள்.

சிவகங்கை மாவட்டம், மானாமதுரை அருகே தனியார் நர்சிங் கல்லூரி உள்ளது. இந்த கல்லூரியில் 50-க்கும் மேற்பட்ட மாணவிகள் படித்து வருகிறார்கள். இந்த நிலையில் மாணவி ஒருவர் தமிழக முதல்-அமைச்சர், கவர்னர், ஐகோர்ட்டு தலைமை நீதிபதி, மாவட்ட கலெக்டர் ஆகியோருக்கு புகார் மனுக்கள் அனுப்பி உள்ளார்.  அந்த புகார் மனுவில், கல்லூரி விடுதியில் மின்சார வசதி இல்லை. தினமும் சில மணி நேரம் மட்டுமே ஜெனரேட்டரில் மின்சாரம் கொடுப்பதாகவும் மற்ற நேரங்களில் விடுதியில் மின்சாரம் இல்லாமல் இரவில் தூங்க முடியாமல் அவதிப்படுவதாகவும், கல்வி கட்டணம் செலுத்தியும் சரிவர அடிப்படை வசதிகள் செய்து கொடுக்கவில்லை என்றும், போதிய விரிவுரையாளர்கள் நியமிக்கப்படவில்லை என்றும் குறிப்பிட்டு இருந்தார்.