பெண்ணிடம் நகை பறிப்பு

நெல்லை:

வீரவநல்லூர் இந்திரா நகரைச் சேர்ந்தவர் ஆறுமுகம். இவருடைய மனைவி பலவேசம் அம்மாள் (வயது 62). இவர் சம்பவத்தன்று தன்னுடைய உறவினர்களை பார்ப்பதற்காக நெல்லை டவுனுக்கு வந்தார். பின்னர் அவர் தனது ஊருக்கு திரும்பி செல்வதற்காக, நெல்லை டவுன் காட்சி மண்டபம் பஸ் நிறுத்தத்தில் இருந்து பஸ்சில் ஏறினார். அப்போது கூட்ட நெரிசலை பயன்படுத்தி, பலவேசம் அம்மாள் அணிந்து இருந்த 4 பவுன் தங்க சங்கிலியை மர்மநபர்கள் பறித்து சென்றனர். இதுகுறித்த புகாரின்பேரில், நெல்லை டவுன் குற்றப்பிரிவு போலீசார் வழக்குப்பதிவு செய்து, பெண்ணிடம் நகை பறித்த மர்மநபர்களை வலைவீசி தேடி வருகின்றனர்.