நூலக மாற்றுத்திறனாளி பணியாளர்கள் அமைச்சரிடம் கோரிக்கை மனு

கடத்தூர்

ஊர்ப்புற நூலக மாற்றுத்திறனாளிகள் 50-க்கும் மேற்பட்டவர்கள் அமைச்சர் கே.ஏ.செங்கோட்டையனை சந்தித்து ஒரு கோரிக்கை மனு அளித்தார்கள். அதில் அவர்கள் கூறியிருப்பதாவது:- 

தமிழ்நாடு அரசு பொது நூலக துறையில் ஊர்ப்புற நூலக மாற்றுத்திறனாளிகள் சுமார் 200 பேர் 10 ஆண்டுகளாக பணியாற்றி வருகிறோம். எங்களுக்கு 3-ம் நிலை நூலகர் பணியை வழங்க 20.11.2020 தேதியன்று சென்னை உயர்நீதிமன்றம் உத்திரவிட்டுள்ளது. இந்த 3-ம் நிலை நூலகர் பணியில் தற்போது காலியிடங்கள் 350-க்கு மேல் உள்ளது. இந்த காலியிடங்களில் ஊர்ப்புற நூலக மாற்றுத்திறனாளி பணியாளர்களை நிரப்பவேண்டும். மேலும் 15 ஆண்டாக தமிழகத்தில் நூலகங்கள் தரம் உயர்த்தப்படாமல் உள்ளன.

இவ்வாறு அந்த மனுவில் கூறியிருந்தார்கள். மனுவை பெற்றுக்கொண்ட அமைச்சர் கே.ஏ.செங்கோட்டையன் இதுகுறித்து நடவடிக்கை எடுப்பதாக உறுதியளித்தார்.