<
ஆழ்கடல் மீன்பிடிதொழிலை ஊக்கப்படுத்த வேண்டும்
மீனவர்கள் தாக்கப்படுவதை கட்டுப்படுத்த ஆழ்கடல் மீன்பிடிதொழிலை ஊக்கப்படுத்த வேண்டும் என்று நவாஸ்கனி எம்.பி. வலியுறுத்தி உள்ளார்.
பனைக்குளம்,
மீனவர்கள் தாக்கப்படுவதை கட்டுப்படுத்த ஆழ்கடல் மீன்பிடிதொழிலை ஊக்கப்படுத்த வேண்டும் என்று நவாஸ்கனி எம்.பி. வலியுறுத்தி உள்ளார்.
நிவாரணம்
ராமநாதபுரம் தொகுதி நாடாளுமன்ற உறுப்பினர் நவாஸ்கனி கூறியதாவது:-
மதுரை எய்ம்ஸ் மருத்துவமனை அறிவிப்பு வெறும் அறிவிப்பாகவே இருக்கிறது. விவசாயிகளின் உணர்வுகளை புரிந்துகொள்ள மத்திய அரசிற்கு நேரமில்லையா, ராமநாத புரம் மாவட்டத்தில் மழையால் பயிர்கள் வீணாகி விட்டதால் விவசாயிகளுக்கு நிவாரணம் அளிக்க வேண்டும். மீனவர்கள் தாக்கப்படுவதை கட்டுப்படுத்த ஆழ்கடல் மீன்பிடி தொழிலை ஊக்கப்படுத்த வேண்டும்.
கடந்த நிதியாண்டில் ஒதுக்கப்பட்ட நிதி முழுமையாக பயன்படுத்தப்படாமல் உள்ள நிலையில், தற்போது மத்திய பட்ஜெட்டில் சிறுபான்மையினர் நலனுக்கான நிதி ஒதுக்கீடு குறைப்பு, சிறுபான்மையினர் நலனுக்கு கடந்த ஆண்டு ரூ.5,029 கோடி ஒதுக்கப்பட்டிருந்த நிலையில், தற்போது மத்திய பட்ஜெட்டில் இந்த நிதி ரூ.4,810 கோடியாக குறைக்கப்பட்டு உள்ளது. சிறுபான்மையினர் கல்வித் தொகைக்கான உதவித்தொகையும் 6 சதவீதம் குறைக்கப்பட்டு உள்ளது.
ஏமாற்றம்
இது சிறுபான்மையினர் மீது இந்த அரசின் அக்கறை யின்மையை காட்டுக்கிறது. இந்த நிதி ஆண்டிற்கான பொது வரவு செலவுத் திட்டத்தில் மக்களவையில், இது கொரோனா பேரிடர் தாக்கத்திற்கு பிறகு தாக்கல் செய்யப்பட்டிருக்கும் முதல் பட்ஜெட். முன்னறிவிப்பு இல்லாத பொது முடக்கத் தால் பாதிக்கப்பட்ட மக்களுக்கு நேரடியாக உதவும் வண்ணம் எந்தவித அறிவிப்பும் இல்லாதது பெரும் ஏமாற்றத்தை அளிக்கிறது.
அடித்தட்டு மக்கள் தினமும் பயன்படுத்தும் பெட்ரோல், டீசல், கேஸ் சிலிண்டர் பெரும் விலையேற்றத்தை கண்டிருக்கிறது. அதனால் மக்களின் அத்தியாவசிய பொருட்களின் விலையும் ஏற்றம் அடையக் கூடிய அபாயத்தில் இருக்கிறது. இதற்கு இந்த அரசு என்ன தீர்வு வைத்திருக்கிறது.
விவசாயம் நம் நாட்டின் முதுகெலும்பு. ஆனால் இன்று லட்சக்கணக்கான விவசாயிகள் வீதிகளில் நின்று போராடிக் கொண்டிருக்கிறார்கள். அவர்களின் கோரிக்கையை ஏற்றுக்கொள்ள அரசு முன்வர வேண்டும். மேலும் இந்த கொரோனா காலத்தில் விவசாயிகள் கடும் பாதிப்படைந்து உள்ளார்கள். அரசு ரூ. 20 லட்சம் கோடி நிதி அறிவித்திருக்கிறது. அந்த நிதி எல்லாம் எங்கே. எந்தெந்த துறைகள் அதில் பயனடைந்துள்ளன. என்னுடைய தொகுதி ராமநாதபுரம் மாவட்டத்தில் தற்போது பயிர்கள் விளைந்த நிலையில் மழையின் காரணமாக அறுவடை நேரத்தில் பயிர்கள் வீணாகிவிட்டதால் விவசாயிகள் கடும் பாதிப்பை சந்தித்து உள்ளனர்.
மீன்பிடி தொழில்
எனவே அந்த விவசாயிகளுக்கு நிவாரணம் அளிக்க அரசு முன்வர வேண்டும் என கேட்டுக் கொள்கிறேன். மீன்பிடி உபகரணங்களுக்கும் சேர்த்து மொத்தமாக மானியம் வழங்கப்பட்டால் மீனவர்கள் பெரிதும் பயனடைவார்கள்.
சிறுபான்மையினர் மீது இந்த அரசு அக்கறையின்மையை காட்டுகிறது. சிறுபான்மையினர் நலனுக்காக பயன்படுத்தப ்படும் நிதியின் தேவை மிக அதிகமாக உள்ளது. ஆனால் மிகவும் குறைவான நிதியே ஒதுக்கப்பட்டு இருக்கிறது. இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
