வேன் மோதி சமையல் தொழிலாளி சாவு

பேரையூர்,பிப்.

மதுரை ஜெய்ஹிந்துபுரத்தை சேர்ந்தவர் சேக் முகமது (வயது 35). சமையல் தொழிலாளி.  இவர் நேற்று மாலை மதுரையில் இருந்து டி.கல்லுப்பட்டியை நோக்கி மோட்டார் சைக்கிளில் சென்று கொண்டிருந்தார். ராஜபாளையம் ரோட்டில் குன்னத்தூர் வளைவில் சென்ற போது எதிரே வத்திராயிருப்பில் இருந்து மதுரை நோக்கி வந்த வேன், மோட்டார் சைக்கிள் மீது மோதியது. இதில் பலத்த காயமடைந்த சேக் முகமதுவை அக்கம், பக்கத்தினர் மீட்டு சிகிச்சைக்காக திருமங்கலம் அரசு ஆஸ்பத்திரிக்கு கொண்டு சென்றனர். ஆனால் அவர் வழியிலேயே பரிதாபமாக உயிரிழந்தார். இதுகுறித்து டி.கல்லுப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.