மாற்றுத்திறனாளி வீரர்கள் சாதனை

புதுக்கோட்டை, பிப்.23-
புதுக்கோட்டை மாவட்டத்தை சேர்ந்த மாற்றுத்திறனாளி வீரர், வீராங்கனைகள் கோவையில் நடைபெற்ற மாநில அளவிலான நீச்சல், தடகள போட்டியில் பங்கேற்றனர். இதில் தங்கம், வெள்ளி உள்பட மொத்தம் 29 பதக்கங்கள் பெற்றனர். மேலும் நீச்சல் போட்டியில் ஒட்டு மொத்த சாம்பியன்ஷிப்பில் 2-ம் இடம் பிடித்தனர். சாதனை படைத்த மாற்றுத்திறனாளி வீரர், வீராங்கனைகள் நேற்று கலெக்டர் அலுவலகத்திற்கு வந்து கலெக்டர் உமாமகேஸ்வரியை சந்தித்து வாழ்த்து பெற்றனர். மேலும் வீரர்களை அவர் வாழ்த்தினார்.