<
ராதாபுரம் அருகே விவசாயி வீட்டில் நகை-பணம் திருட்டு
ராதாபுரம் அருகே விவசாயி வீட்டில் நகை-பணத்தை மர்மநபர்கள் பறித்து சென்று விட்டனர்.
ராதாபுரம்:
ராதாபுரம் அருகே பண்ணையார்குளம் கிராமத்தைச் சேர்ந்தவர் மகாராஜன் (வயது 33). விவசாயி. இவருடைய மனைவி கார்த்திகா (29). கடந்த 22-ந்தேதி மகாராஜன் தன்னுடைய குடும்பத்தினருடன் பக்கத்து ஊரான துரைகுடியிருப்பில் உள்ள மாமனாரின் வீட்டுக்கு சென்றார்.
மகாராஜனின் வீட்டில் ஆட்கள் இல்லாததை நோட்டமிட்ட மர்மநபர்கள் நள்ளிரவில் அவரது வீட்டின் முன்பக்க கதவின் பூட்ைட உடைத்து உள்ளே புகுந்தனர். பின்னர் அங்கிருந்த பீரோவை உடைத்து, அதில் இருந்த 4 பவுன் நகை, ரூ.6 ஆயிரத்தை திருடிச் சென்றனர்.
நேற்று முன்தினம் மகாராஜன் குடும்பத்தினருடன் வீட்டுக்கு திரும்பி வந்தார். அப்போது வீட்டில் நகை, பணம் திருடு போனதை அறிந்து அதிர்ச்சி அடைந்தனர். இதுகுறித்த புகாரின்பேரில், ராதாபுரம் போலீசார் வழக்குப்பதிவு செய்து, நகை, பணத்தை திருடி சென்ற மர்மநபர்களை வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire